YAASINƆ 8:15-21 in Busa

¹⁵Kínanↄ dì kpata ble ma gãimɛ, kpatablerinↄ dì yãzɛde ditɛ kũ ma gbãnao.

¹⁶Gbãnadenↄ dì iko kɛ ma gãimɛ kũ andunia kpatadenↄ ń pínki.

¹⁷Má ye gbɛ̃ kũ ò yemainↄi, gbɛ̃ kũ òdi ma wɛtɛnↄ mɛ́ òdi ma e.

¹⁸Aruzɛkɛ kũ gakurio kú ma ↄĩ kũ ↄgↄda karanaao kũ kunna nnao.

¹⁹Nɛ́ kũ madì ińnɛ sã̀na de wura manala, karana kũ madì kɛńnɛ de andurufu swáswala.

²⁰Má tɛ́ yã mana zɛ́n, madì táa o zɛ́ súsu gũn.

²¹Madì gbɛ̃ kũ ò yemainↄ gba pↄ́, madì ń aruzɛkɛkatɛkinↄ pańnɛ.

BREAK EVERY YOKE
Creating and distributing free Bible translations for the web and mobile phones to every tribe on Earth. Click to learn how you can support this work!