15 Ǹ pãńnɛ, ǹton naḿmaro, ǹ kɛ̃ḿma ǹ n gáao.
16 Tó aↄ̃ↄe zaaa e wà kɛ̀ro, aↄ̃è ii oro, tó aↄ̃ↄe gbɛ̃ e wà kari kɛro, ii è gɛ̃ ń wɛ́ɛnlo.
17 Zaakɛ zaakɛnan ń pↄ́blee ũ, wɛ́ɛtãna gbɛ̃nↄan ń ímina ũ.
18 Gbɛ̃ maaanↄ zɛ́ dɛ lán gudↄna bàmɛ, à gupuraa ègↄ̃ bↄↄ lán ↄfãntɛ̃ bↄna bà.
19 Zaakɛrinↄ zɛ́ dɛ lán gusia níginigi bàmɛ, aↄ̃è pↄ́ kɛ̀ tò wè gɛ̃̀n sí dↄ̃ro.
20 Ma nɛ́, ǹ làakari dↄ yã pìnↄa, ǹ swã kpá ma yã'onnɛnazi.
21 Ǹton kpá swãkotoro, ǹgↄ̃ kũna n swɛ̃̀ guu.
22 Zaakɛ à dɛ wɛ̃̀ndi ũ gbɛ̃ kɛ̀ lè à kũ̀nɛ, à dɛ mɛ̀ píngi aafia ũ.
23 Kɛ̀ dɛnlaa ǹ làakari dↄ n swɛ̃̀ yãa, zaakɛ wɛ̃̀ndi kãsãa bↄ̀ swɛ̃̀ kiiamɛ.
