18 Yã mɛ̀n aagↄ̃ kuu kɛ̀ aↄ̃ↄ dɛ ma dↄ̃nala, à kà mɛ̀n siigↄ̃ se má ń mì dↄ̃ro:
19 Zɛ́ kɛ̀ kúu ègↄ̃ tɛ́o musu, zɛ́ kɛ̀ mlɛ̃̀ ègↄ̃ táa oon gbɛ̀ sàraa, zɛ́ kɛ̀ góro'itɛ ègↄ̃ tɛ́n ísiaa dagura kↄ̃n zɛ́ kɛ̀ gↄ̃gbɛ̃ ègↄ̃ yeo nↄkparɛzio.
20 Nↄ zinakɛri yãkɛnan yɛ̀: È pↄ́ ble à ↄ ma a lɛ́a à be ée yã zaaa kɛro.
21 Yã mɛ̀n aagↄ̃ bé è tó tↄↄtɛ lugaluga, à kà siigↄ̃ se, tↄↄtɛ é yã pìnↄ fↄ̃ro:
22 Zↄ̀ kɛ̀ à kpata blè, yↄ̃nkↄↄ kɛ̀ pↄ́ blè à kã̀,
23 nↄgbɛ̃ kɛ̀ wà zàn ben à zã kɛ̀ kↄ̃n zↄ̀ nↄkparɛ kɛ̀ gↄ̃̀ a dii zã nↄↄ ũuo.
24 Pↄ́ nɛ́ngonↄↄ kú tↄↄtɛ mɛ̀n siigↄ̃, mↄde aↄ̃ ↄ̃ndↄ̃ↄ vĩ maamaa:
25 Babannɛnↄ kuu pↄ́ gbãaanↄ ũro, mↄde aↄ̃è blɛ zi di kwɛɛmɛ.
26 Gbɛ̀'ɛ̃ɛnↄ kuu pↄ́ bítanↄ ũro, mↄde aↄ̃è bɛɛ bo gbɛ̀kotoommɛ.
27 Kwaanↄ ègↄ̃ kína vĩro, mↄde aↄ̃è bↄɛ wà zɛzɛ gãli kↄ̃n gãliomɛ.
