2 Ǹ tó ò n sáabu kpá, ǹsun n zĩda sáabu kpáro. Ǹ tó à bo gbɛ̃nↄ lɛ́n, ǹsun tó à bo n lɛ́nlo.
3 Gbɛ̀ɛ tìkisi, bùsu'atɛ̃ bi asomɛ, ama yↄ̃nkↄ pↄfɛ̃ tìkisi de abirekũnↄla pínki.
4 Pɛ̃tɛ̃ pãsĩ, pↄfɛ̃ dì dańla, ama dí mɛ́ ani nɛ̀sɛgↄ̃ba fↄ̃ↄ?
5 Kpãkɛ̃na gbɛ̃i pari wára mana de yena gbɛ̃i asiri gũnla.
6 Gbɛ̃nna yã'ũmmana kpáńyĩ náani vĩ, ibɛrɛ lɛ́pɛmmana manafiki vĩ.
7 Gbɛ̃ kũ à kãna dì zã̀zã kũ kũ zↄ́omɛ, ama nàdɛri pↄ́ kyã̀kyã dↄ̃ro.
8 Gbɛ̃ kũ à kɛ̃̀ a ↄnnwa àtɛn likara de lán bã kũ à sã̀tɛ a sàaa bàmɛ.
9 Nísi gbĩ nnanna kũ turaretitio dì ń pↄ kɛ nna, lɛ́dakↄ̃ana kũ nɛ̀sɛ mɛ̀n doo dì gbɛ̃nnanↄ kɛ nna.
