17 Tó n ibɛɛ lɛ̀ɛ, ǹton pↄnnaa kɛro, tó à fù, ǹton à yáa dↄro.
18 Tó Dii è lɛ, eé kɛnɛ nnaro, à pↄfɛ̃ é yãa n ibɛɛ pìamɛ.
19 Ǹton tó gbɛ̃ zaaanↄ yã n kũ gbãaro, ǹton zaakɛrinↄ gwena ni dɛro,
20 zaakɛ gbɛ̃ zaaa égↄ̃ ziaa vĩro, Luda é zaakɛrinↄ fitia tɛ́ dɛ.
21 Ma nɛ́, ǹ vĩa kɛ Diinɛ kↄ̃n kínao, ǹton gbɛ̃nna kpá kↄ̃n gbɛ̃ kɛ̀ aↄ̃ bↄ̀ ń kpɛɛnↄoro,
22 zaakɛ yã é ń le kãndomɛ. Dé bé à dↄ̃ lán weé ń ásaru kɛ nà?
23 Ɔ̃ndↄ̃deenↄ yãn yɛ̀ dↄ: Gbɛ̃wɛɛgwana yãkpaɛ guu maaro.
