13 Ǹsun gí n nɛ́ foruiro, tó n a gbɛ̃̀ kũ flã̀ao, ani garo.
14 Ǹ a gbɛ̃ kũ flã̀ao, de ǹ a bo ga ↄĩ.
15 Ma nɛ́, tó n ↄ̃ndↄ̃ vĩ n swɛ̃̀n, ma pↄ ni kɛ nna.
16 Tó yãzɛde tɛn bo n lɛ́n, ma pↄ ni kɛ nna.
17 Ǹsun durunnakɛrinↄ gwena ni dɛro, ǹgↄ̃ Dikiri vĩna vĩ gↄrↄ sĩnda pínki,
18 zaakũ ĩnigↄ̃ zia vĩmɛ, tãmaa ni n nɛro.
19 Ma nɛ́, ǹ ma yã ma, ĩni ↄ̃ndↄ̃ kũ, ǹ tó n swɛ̃̀ gↄ̃ tɛ́ zɛ́ manai.
20 Ǹsun kakara kũ wɛ̃mirinↄro, ǹsungↄ̃ kú lɛ́'idenↄ tɛ́ro,
21 zaakũ wɛ̃dɛri kũ lɛ́'ideo dì gↄ̃ takasidenↄ ũ, ń mɛ̀kpɛtɛɛ dì ń da utakasadanammɛ.
22 Ǹ n de'ina yã ma, tó n da zĩ kũ̀, ǹsun a gya boro.
