4 Yáasi dínↄ dì nɛ̀sɛdode gba laakarii, àdi tó kɛfɛnna gↄ̃ kú a dↄ̀rↄↄa kũ dↄ̃naao.
5 Laakaride ni ma, a yãdadana le à kara, nɛ̀sɛde ni lɛ́damma le a gũn,
6 ani yáasi kũ yãlɛkↄ̃anaao mì dↄ̃ kũ ↄ̃ndↄ̃rinↄ yã'onaao kũ ń gara kutu yãnↄ.
7 Vĩnakɛna Dikirinɛɛmɛ dↄ̃na naana ũ, ama yↄ̃nkↄ dì ↄ̃ndↄ̃ kũ lɛ́dammao gya bo.
8 Ma nɛ́, ǹ n de yã'onnɛna ma, ǹsun pã kpá n da lɛ́dammairo.
9 Anigↄ̃ de fùra mana ũ n mìia, anigↄ̃ de mↄ̀wakarɛ ũ n wakaaa.
10 Tó durunnakɛrinↄ tɛni n laakari gátɛ, ǹsun wero, ma nɛ́.
