6 Yↄ̃nkↄ lɛ́ dì a da fìtin, a yã'onaa dì a kpá gbɛ̃naai.
7 Yↄ̃nkↄ lɛ́ dì a yaka, a yã'onaa dì a kũ lán tankutɛ bà.
8 Gbɛ̃piri yã dì kɛńnɛ lán zↄ́ bà, àdi gɛ̃ lɛ́n dↄ̃̀ↄ ari nɛ̀sɛɛ gũn.
9 Gbɛ̃ kũ àdi pã kpá a zĩi bi ásarude dakũnamɛ.
10 Dikiri tↄ́ bi utɛki leimɛ, gbɛ̃ mana dì bàa lɛ́ à gɛ̃̀n à aafia le.
11 Ɔgↄde aruzɛkɛ denɛ lán wɛ̃tɛ kũ ò lɛ̀kara likai bà, lán bĩni kũ oni fↄ̃ ò didiaro bà.
12 Zĩdabinaa dì su gbɛ̃nɛ kũ lɛtɛnaao, zĩdabusanaa dì su kũ bɛ̀ɛrɛɛo.
13 Gbɛ̃ kũ àdi weḿma sãkpanaa sari, yↄ̃nkↄkɛ kũ kpebonaao gↄ̃̀nɛ.
14 Kãgbãnakɛ dì gbɛ̃ gba gbãna gyãpɛɛa, ama dí mɛ́ ani pↄsira fↄ̃ↄ?
