4 Yãbusɛ'onaa dì ń gba wɛ̃̀ndi dufu, yãlɛkpɛrɛ dì ń kã dɛ.
5 Fayasaride dì a de foru gya bo, lɛ́dammamari sↄ̃ à laakari vĩ.
6 Gbɛ̃ mana ↄnn dìgↄ̃ aruzɛkɛ vĩ zↄ̃kↄ̃, gbɛ̃ vãni pↄ́nↄ dìgↄ̃ yãkete vĩ.
7 Ɔ̃ndↄ̃de lɛ́ dì dↄ̃na fã, yↄ̃nkↄnↄ sↄ̃, ò nɛ̀sɛ vĩro.
8 Dikiri tɛ̃̀ɛmɛ gbɛ̃ vãninↄ sa'ona ũ, ama gbɛ̃ mananↄ wɛ́kɛnaa dì káagu.
9 Dikiri zã̀ gbɛ̃ vãni yãkɛnan, à ye gbɛ̃ kũ ò tɛ́ yãzɛdeinↄi.
10 Foru pãsĩmɛ gbɛ̃ kũ à pã̀ zɛ́nɛ pↄ́ ũ, gbɛ̃ kũ à ye lɛ́dammairo sↄ̃ ani gamɛ.
11 Lákũ Dikiri gyãwãn kũ kakatɛnaao yã dↄ̃ nà, oni bisãsiri swɛ̃̀ pↄ́ o dↄ yá?
