3 À a wɛ̃́ndia zĩkɛnaↄ zĩ̀, àlɛ lɛzu wɛ̃́lɛ sĩ̀sĩ misonaa à mɛ̀:
4 Gbɛ̃́ pↄ́ nↄ̀sɛ vĩoↄ à ɛa mↄ kɛ! Ɔ̃nↄkɛ̃sãmadeↄ málɛ oɛ́,
5 à mↄ blɛblemanↄ, í vɛ̃ɛ pↄ́ má kɛ̀kɛ mi.
6 À sↄũkɛ tó, íↄ aafia, í táa'o wɛ́kɛ̃a zɛ́u.
7 Gbɛ̃́ pↄ́ lɛ́ lɛda gbɛ̃́laanikɛnawa ì gↄ̃ sↄ̃́sↄ̃ɛɛ, gbɛ̃́ pↄ́ lɛ́ vãikɛna dazɛwa ì gↄ̃ tàaeɛɛ.
8 Ńsu gbɛ̃́laanikɛna dazɛwao, asa a ĩ́isɛnnↄɛ. Ɔ̃nↄna dazɛwa, iↄ yenzi.
9 Yãda ↄ̃nↄnaɛ, aà ↄ̃nↄ i dɛdɛ, yã'o gbɛ̃maaɛ, aà dↄ̃a i kã́fĩ.
