Yáasiↄ 8:10-28 in Boko (Benin)

¹⁰À ma lɛdama sɛ́ dɛ ã́nusua, à dↄ̃a sɛ dɛ vua kɛfɛnaa.

¹¹Asa ↄ̃nↄ bɛɛɛ dɛ òsoↄla, pↄ́ pↄ́ a ni kúwáe i kawào.

¹²Mapi má ↄ̃nↄ, má laai vĩ, mɛ́ má yãkɛa a zɛ́wa dↄ̃a kũa.

¹³Vĩakɛa Diiɛ mɛ́ zaa vãigu ũ. Má za zĩasɛa lɛsĩ ń ĩ́andãao ń zɛa ń vãio ń yãkpaanla'oaogu.

¹⁴Lɛdama ń yãkɛkɛa dↄ̃aoá ma pↄ́ɛ, mámɛ má wɛzɛ̃ ũ, ma kĩ́i gbãa ì bↄu.

¹⁵Kíaↄ ì kpalable ma sabaiɛ, ↄ̃ kpalablenaↄ ì yã́zɛde dilɛò.

¹⁶Gbãadeↄ ì ikokɛ ma sabaiɛ ń dṹnia kpaladeↄ píi.

¹⁷Má ye gbɛ̃́ pↄ́ yemaziↄzi, gbɛ̃́ pↄ́ lɛ́ ma wɛɛlɛↄ mɛ́ aa ma e.

¹⁸Àizɛɛ ń gawio ku ma ↄzĩ ń ↄda kã́fĩadeo ń namao.

¹⁹Nɛ́ pↄ́ mi inɛ́ maa dɛ vua sĩanaa, kã́fĩa pↄ́ mi kɛnɛ́ dɛ ã́nusu maaa.

²⁰Má bɛ yã́ dↄ̀ↄde zɛ́u, mi táa'o zɛ́ súsu guu.

²¹Mi gbɛ̃́ pↄ́ yemaziↄ gba àizɛɛ, an làasiↄ i pa.

²²Dii ma kũa za a zĩ daalɛgↄↄ, e àↄ gɛ́ yã́ pↄ́ a kɛ̀ za káauↄ kɛi.

²³À ma dilɛ za asĩnizĩɛ, za a daalɛgↄↄ, dↄ̃ i dṹnia kɛo.

²⁴À ma i zadↄ̃ ísia kuo, nibↄnae ku gↄↄ beeo.

²⁵À ma i sĩ̀sĩↄ ãa, e àↄ gɛ́ gbɛ̀sĩsĩↄ zĩ́napɛlɛi,

²⁶e àↄ gɛ́ dṹnia kálɛi, ge sɛ̃sao ge bùsu wɛ́n do.

²⁷Kɛ́ àlɛ pↄ́ pↄ́ kú musuↄ kɛ, kɛ́ àlɛ bàluma da ísiaa,

²⁸kɛ́ àlɛ lou na musu, kɛ́ àlɛ ísia í zɛ́ fↄ̃,