Yáasiↄ 5:1-14 in Boko (Benin)

¹Ma nɛ́, laaidↄ ma ↄ̃nↄwa, swã́kpa ǹ ma wɛzɛ̃ yãma,

²kɛ́ ǹ e ǹyↄ̃ ku n dↄ̀ↄwa, dↄ̃a iↄ ku n lɛ́u.

³Káalua lɛgbɛ'i ìↄ na lán zↄ́wa, ì ń gálɛ ń lɛ́ nao,

⁴ãma gbɛzã ì kɛnɛ́ ĩ́i lán gↄ̃iwa, ì ń zↄ̃ lán fɛ̃nda lɛna kpɛplawa.

⁵Aà zɛ́ ì mipɛńnↄ gawa, ì si ń gbɛ̃́ pↄ́ tɛaziↄ bɛdau.

⁶Ìli làasookɛ wɛ̃ni zɛ́wao, a dↄ̃ a zã zɛ́piwao.

⁷Ma nɛ́, swã́sɛ ma yã́i sa, ńsu gi ma lɛdamaio.

⁸Pãalɛ nↄɛ bee taaɛ zã̀, ńsu ǹ aà bɛ gãaɛ baa vĩo.

⁹Ńsu ǹ n gbãakpa gbɛ̃pãlewao, ńsu ǹ n wɛ̃ni kpa gbɛ̃́ pãsĩwao,

¹⁰kɛ́ n àizɛɛↄ su gↄ̃ dãↄnɛo, mɛ́ n zĩ ài su gↄ̃ ua pãledeↄnɛo.

¹¹Ńyↄ̃ aaukɛ n gↄↄ vlã́wa, ńyↄ̃ ibaba, n yɛ̃̀ɛɛ a láa,

¹²ní mɛ: Ma gi lɛdamai fá! Ma sakaa totoau mɛ́ tò.

¹³Mi lɛdamadeↄ yã'onɛ mao, mi swã́sɛ ma yãdanɛdeↄzio.

¹⁴Ma gↄ̃a wɛ̃na pↄ́ ũ míↄmiↄ kɛ́ dṹnia ma e zã̀o.