Yáasiↄ 3:1-7 in Boko (Benin)

¹Ma nɛ́, ńsu to ma yãdanɛ sãnguo, ǹyↄ̃ yã́ pↄ́ má dìlɛnɛↄ kũa n sↄ̃u.

²Asa a n ka wɛ̃ni gbã̀awa, a aafia kã́fĩnɛ.

³Gbɛ̃kɛ ń náaio su kɛ̃mao, ǹyↄ̃ daa yàbaa ũ, kɛ̃ n sↄ̃wa lá wì kɛ̃ lákɛ̃kĩiwawa,

⁴n tↄ́ iↄ na, níↄ maa Luaɛ ń gbɛ̃nazĩnaↄ.

⁵Dii náaikɛ ń nↄ̀sɛmɛndoo, ńsu gbãa'e nzĩa ↄ̃nↄwao.

⁶Ǹyↄ̃ aà dↄ̃ n yã́ píi kɛa guu, i zɛpoonɛ.

⁷Ńsu ǹ nzĩa gwa ↄ̃nↄna ũo, ǹyↄ̃ Dii vĩa vĩ, ní kɛ̃́ vãiwa.

BREAK EVERY YOKE
Creating and distributing free Bible translations for the web and mobile phones to every tribe on Earth. Click to learn how you can support this work!