Yáasiↄ 29:8-21 in Boko (Benin)

⁸Gbɛ̃́laanikɛnaↄ ì wɛ̃́lɛ wã, ↄ̃nↄnaↄ ì gbɛ̃́ↄ nↄ̀sɛ níninɛ́.

⁹Tó ↄ̃nↄna gɛ̀ yã́kpalɛkɛi ń sↄũo, sↄũpi pↄ pà yã̀, àlɛ yáalↄ yã̀, aà lɛ́ lí kpaaũo.

¹⁰Gbɛ̃dɛnaↄ ìↄ za tàaesaideguɛ, aaìↄ gbɛ̃maaↄ wɛɛ.

¹¹Sↄũ pↄkũma ì pisi aà wɛ́waɛ, ↄ̃nↄna sↄ̃ ì a nↄ̀sɛ suumpaɛ.

¹²Tó gbãade lɛ́ swã́sɛ ɛɛyãi, aà ìwaↄ ì gↄ̃ vãikɛnaↄ ũ píiɛ.

¹³Taaside ń ĩadamadeo an yã́ɛ bee doũɛ, Dii mɛ́ tò an wɛ́ lɛ́ gu'e ḿpii.

¹⁴Kía pↄ́ ì yã́kpalɛkɛ taasideↄnɛ ń sĩanao, aà kpala zĩ́napɛlɛa ìↄ gbãa gↄↄpiiɛ.

¹⁵Totoa ń flão ì to gbɛ̃́ ↄ̃nↄkũ, nɛ́ pↄ́ wa tò azĩaɛ ì wida a dawaɛ.

¹⁶Tó vãikɛnaↄ lìgua, tàaekɛa ì kↄ̃ɛ, ãma gbɛ̃maaↄ aa ń lɛ́lɛa e.

¹⁷Ǹ n nɛ́ toto, i n nↄ̀sɛ danɛ doũ, a to n nↄ̀sɛ àↄ yáalↄwa.

¹⁸Gu pↄ́ Lua yã́ kúuo wìliↄ ńzĩa kũa dↄ̃o. Báaaden gbɛ̃́ pↄ́ aà ikoyã kũa ũ.

¹⁹Wìli zↄ toto ń lɛ́oo. Baa tó a mà, a zĩkɛwào.

²⁰N gbɛ̃́ pↄ́ ì wã àↄ yã'o èa? Sↄũ sã̀ↄwa.

²¹Zↄ pↄ́ wa zàza za a ɛ̀waasogↄↄ, a gↄ̃ gulu ũ gbɛzãɛ.