Yáasiↄ 29:17-27 in Boko (Benin)

¹⁷Ǹ n nɛ́ toto, i n nↄ̀sɛ danɛ doũ, a to n nↄ̀sɛ àↄ yáalↄwa.

¹⁸Gu pↄ́ Lua yã́ kúuo wìliↄ ńzĩa kũa dↄ̃o. Báaaden gbɛ̃́ pↄ́ aà ikoyã kũa ũ.

¹⁹Wìli zↄ toto ń lɛ́oo. Baa tó a mà, a zĩkɛwào.

²⁰N gbɛ̃́ pↄ́ ì wã àↄ yã'o èa? Sↄũ sã̀ↄwa.

²¹Zↄ pↄ́ wa zàza za a ɛ̀waasogↄↄ, a gↄ̃ gulu ũ gbɛzãɛ.

²²Pↄkũmade ì sòle da, nↄ̀sɛyãfũnde ì duunakɛ maamaaɛ.

²³Ĩandãa ì ń busaɛ, zĩabusaa mɛ́ ì ń kã́fĩ.

²⁴Gbɛ̃́ pↄ́ lɛ́ ble ń kpã́io za azĩauɛ, ì mɛ á sì ń Luao, ↄ̃ ìli we òo.

²⁵Vĩakɛa gbɛ̃nazĩnaɛá baiɛ, gbɛ̃́ pↄ́ lɛ́ Dii náaikɛ mi aↄ daa ía.

²⁶Gbɛ̃́ daside ìↄ ye gbãade zɛńnↄɛ, ãma yã́kpalɛkɛa ń gbɛ̃́ↄá Dii yã́ɛ.

²⁷Gbɛ̃maa ye gbɛ̃́ dↄ̀ↄsai gĩyãio, gbɛ̃vãi sↄ̃ ìliↄ ye nↄ̀sɛpuade yãkɛaio.