Yáasiↄ 21:3-15 in Boko (Benin)

³Maakɛa ń yãkɛa a zɛ́wao ì ka Diigu dɛ sa'oawàa.

⁴Zĩasɛa lɛsĩ ń ĩ́andão ì vãikɛnaↄ duuna bↄ gupuau.

⁵Ãiade làasoo ì aà ka namawa, nↄnwãade ì si pↄ́kɛ̃sãmau.

⁶Àizɛɛ pↄ́ gbɛ̃́ è ɛɛtoa guu a gɛ̃ ń ĩ́anaoɛ, aàpi i ga.

⁷Vãikɛnaↄ pãsĩkɛa a táńnↄ, asa aali we yã́zɛdekɛ̀o.

⁸Tàaede yãkɛa líↄ dↄ̀ↄ vĩo, yãesaide yãkɛa ìↄ wásawasaɛ.

⁹Ia gↄ̃u zã́u maa dɛ kua kpɛ́u sãnu ń nↄ sòledeola.

¹⁰Vãikɛna sↄ̃ ìↄ ku vãiwaɛ, ìli a gbɛ̃́ wɛ̃nagwao.

¹¹Tó wà ĩadà gbɛ̃́laanikɛnawa, mìsaide ì ↄ̃nↄkũɛ, tó wà ↄ̃nↄna gbà laai, aà dↄ̃a ì kã́fĩɛ.

¹²Lua maa, ì vãikɛna bɛ tàasika, ↄ̃ ì vãikɛnaↄ fuangba taasiu.

¹³Gbɛ̃́ pↄ́ i swã́kpa wɛ̃nade wiiio, aàpi a wiilɛ sↄ̃, gbɛ̃e a wewào.

¹⁴Gbadaa asii guu ì pↄkũma kpálɛ, gbagusaɛ sↄlↄa ulau ì pↄfɛ̃ midɛ.

¹⁵Yã́gↄ̃gↄ̃a a zɛ́wa ì gbɛ̃maa pↄ kɛ na, ãma ì iwãa ka vãikɛna pↄaɛ.