Yáasiↄ 21:11-22 in Boko (Benin)

¹¹Tó wà ĩadà gbɛ̃́laanikɛnawa, mìsaide ì ↄ̃nↄkũɛ, tó wà ↄ̃nↄna gbà laai, aà dↄ̃a ì kã́fĩɛ.

¹²Lua maa, ì vãikɛna bɛ tàasika, ↄ̃ ì vãikɛnaↄ fuangba taasiu.

¹³Gbɛ̃́ pↄ́ i swã́kpa wɛ̃nade wiiio, aàpi a wiilɛ sↄ̃, gbɛ̃e a wewào.

¹⁴Gbadaa asii guu ì pↄkũma kpálɛ, gbagusaɛ sↄlↄa ulau ì pↄfɛ̃ midɛ.

¹⁵Yã́gↄ̃gↄ̃a a zɛ́wa ì gbɛ̃maa pↄ kɛ na, ãma ì iwãa ka vãikɛna pↄaɛ.

¹⁶Gbɛ̃́ pↄ́ pã̀alɛ wɛ́kɛ̃a zɛ́ɛ a ta gyaadeↄ kãaauɛ.

¹⁷Gbɛ̃́ pↄ́ ye pↄnakɛai a gↄ̃ pↄ́kɛ̃sãma guuɛ, gbɛ̃́ pↄ́ ye vɛ̃ɛi ń blɛ nísideo a kɛ ↄde ũo.

¹⁸Vãikɛnaↄ mɛ́ gbɛ̃maaↄ awakpabↄ ũ, wa ĩada náaisaideↄwa nↄ̀sɛpuadeↄ gbɛu.

¹⁹Zↄ̃lɛa sɛ̃gbãu maa dɛ zↄ̃lɛa ń nↄ sòlede kpɛ̃nɛdeola.

²⁰Blɛ maa ń nísio ìↄ kálɛ ↄ̃nↄna bɛ, ãma sↄũ ì a pↄ́ mↄ́mↄ gↄ̃̀ↄɛ.

²¹Gbɛ̃́ pↄ́ ì yã́zɛde ń gbɛ̃kɛo wɛɛlɛ ì wɛ̃ni ń yã́ nao ń bɛɛɛo e.

²²Ɔ̃nↄna ì si gↄ̃gbãaↄzi ń wɛ̃́lɛu, ì gbãa pↄ́ aalɛ a náaikɛ gboo.