7 Taaside daɛↄ ì aà vũaaɛ, wa aà gbɛ̃naↄ kɛ̃awà o lↄo. Tó a wɛ̀ɛlɛ yã'ońnↄ, ìli ń e bɛo.
8 Gbɛ̃́ pↄ́ lɛ́ ↄ̃nↄkũ ye azĩaiɛ, gbɛ̃́ pↄ́ ye dↄ̃ai ì maa e.
9 Seelade vãi a bↄ pão, ɛɛde a midɛ.
10 Lá namablea lí kↄ̃si ń sↄũoo, màa i kũ zↄ àↄ kible wɛ̃́ɛↄwao.
11 Wɛzɛ̃na pↄ lí pa kpaao, lákaa tàaea mɛ́ aà ĩ́andãbↄ ũ.
12 Kía zↄakaaá nↄ̀ↄmusu pũnaaɛ, aà nakɛnɛá mↄ̀sɛpisia sɛ̃waɛ.
13 Nɛ́ sↄũ dɛ a mae ↄ̃̀ↄkpana ũɛ, nↄ sòlede dɛ lán ítↄ̃tↄ̃a zɛsaiwaɛ.
14 Wì ua ń a àizɛɛo e mae túbi ũɛ, ãma nↄ laaide ea ì bↄ Dii kĩ́iɛ.
