10 Lá namablea lí kↄ̃si ń sↄũoo, màa i kũ zↄ àↄ kible wɛ̃́ɛↄwao.
11 Wɛzɛ̃na pↄ lí pa kpaao, lákaa tàaea mɛ́ aà ĩ́andãbↄ ũ.
12 Kía zↄakaaá nↄ̀ↄmusu pũnaaɛ, aà nakɛnɛá mↄ̀sɛpisia sɛ̃waɛ.
13 Nɛ́ sↄũ dɛ a mae ↄ̃̀ↄkpana ũɛ, nↄ sòlede dɛ lán ítↄ̃tↄ̃a zɛsaiwaɛ.
14 Wì ua ń a àizɛɛo e mae túbi ũɛ, ãma nↄ laaide ea ì bↄ Dii kĩ́iɛ.
15 Zígbiakɛ ì ń da i zↄ̃ↄ'oau, nↄana ì màade dɛ.
16 Gbɛ̃́ pↄ́ ìↄ yãdilɛnɛ kũa aↄ aafiaɛ, gbɛ̃́ pↄ́ ì saka a kuau a ga.
17 Gbɛ̃́ pↄ́ wɛ̃nadↄ̃̀ taasideɛ pↄ́ sɛ̃̀a Diiɛɛ, ↄ̃mɛ a aà yãkɛaↄ fĩaboɛ̀.
18 Ǹ n nɛ́ toto a gↄↄwa, ãma ńsu to a gɛ̃agɛ̃ e à gao.
19 Wa ↄ̃a zↄ̃ pↄkũmadeɛ aà fĩabo, tó n aà bò, aà boa aↄ lɛ́ vĩo.
20 Lɛdama ma, totoa yãda, kɛ́ ǹ e ǹ ↄ̃nↄkũ zã́ yã́i.
21 Làasoo ku gbɛ̃nazĩna nↄ̀sɛu dasi, ãma yã́ pↄ́ Dii zɛ̀ò mɛ́ a kɛ.
