19 Zĩabusaa taasideↄ guu maa dɛ baadaaa ń ĩ́andãnaↄla.
20 Gbɛ̃́ pↄ́ ì laaidↄ yã́wa ì maa e, Dii náaikɛna mɛ́ ìↄ pↄna vĩ.
21 Gbɛ̃́ pↄ́ nↄ̀sɛ pàɛ ↄ̃ wì mɛɛ̀ wɛzɛ̃na, gbɛ̃́ pↄ́ a lɛ́ na, wì aà yãdↄ̃a zɛ́ e.
22 Laai dɛ wɛ̃ni mi ũ gbɛ̃́ pↄ́ vĩↄnɛ, faasaideↄ yãfaasai ì ń gbɛ̃.
23 Ɔ̃nↄna làasoo ì pisi aà lɛ́wa, aà lɛ́ ì to wà aà yãdↄ̃a zɛ́ e.
24 Yãna'oaá zↄsapunaɛ, a na nↄ̀sɛu, mɛ́ ì mɛ gba aafia.
25 Zɛ́ kú ì kɛ gbɛ̃́ↄnɛ maa, ãma a midɛkĩiá gaɛ.
26 Sɛ̃̀wana nↄ̀sɛ ì aà dazĩu, asa nↄana ì tɛ́kpaaàguɛ.
