Yáasiↄ 14:7-27 in Boko (Benin)

⁷Kɛ̃ sↄũwa zã̀zã, asa ńyↄ̃ dↄ̃a ewào.

⁸Ɔ̃nↄ ì to laaide làasookɛ a zɛ́wa, sↄũ faasaikɛ ì aà sã́sã.

⁹Faasaideↄ ì saka tàae kulɛkɛau, gbɛ̃maaↄ ìↄ na ń kↄ̃o.

¹⁰Baade azĩa yã'ↄ̃ma dↄ̃, mɛ́ gbɛ̃́ pↄnaá gbɛ̃pãle pↄ́ no.

¹¹Gbɛ̃vãiↄ ua a midɛ, gbɛ̃maaↄ bɛ a ↄta.

¹²Zɛ́ kú ì kɛ gbɛ̃́ↄnɛ maa, ãma a midɛkĩiá gaɛ.

¹³Baa yaalↄ guu nↄ̀sɛ ì ↄ̃̀ↄkpa, pↄna ku ì midɛ ń pↄsiao.

¹⁴Pↄ̀ↄbↄzãkɛna yãkɛa ì wi aà musu, gbɛ̃maa ì a yãkɛa gbɛ'e.

¹⁵Làasoosaide ì yã́pii siɛ, laaide lí yã́ náaikɛ làasookɛsaio.

¹⁶Ɔ̃nↄna vãikɛa vĩa vĩ, ì ɛ̃ɛ̀, sↄũ ì azĩa náai vĩ, ìↄ wãa.

¹⁷Pↄkũmade ì yã́ yãfũna kɛ, kↄ̃nide ì to wà zaagu.

¹⁸Ɔ̃nↄkɛ̃sãmade ì gↄ̃ faasai, laaideↄ ì dↄ̃a kpa fùa ũ.

¹⁹Gbɛ̃vãiↄ misiilɛ gbɛ̃maaↄnɛ, vãikɛnaↄ kúlɛ nↄ̀sɛpuadeↄ kpɛɛlɛ.

²⁰Baa taaside gbɛ̃́dee ì zaaàgu, ãma ↄde gbɛ̃naↄ ìↄ dasi.

²¹Sakaa n gbɛ̃́deeguá duunaɛ. Báaaden gbɛ̃́ pↄ́ ì wɛ̃nadↄ̃ taasideↄnɛ ũ.

²²Vãi wàaipanaↄ sã́sãao lé? Maa wàaipanaↄ sùuu vĩ ń náaio.

²³Mɛkpaa zĩwa ìↄ ài vĩ, mɛ́ yãbↄlɛ ì ń kɛ̃́sã.

²⁴Ɔ̃nↄnaↄ àizɛɛ ì gↄ̃ ń gawi ũ, sↄũↄ faasaikɛ ì ń gↄ̃ faasai.

²⁵Seelade sĩande ì gbɛ̃́ misi, a ɛɛde yã́ mↄafili vĩ.

²⁶Vĩakɛa Diiɛá gbãa'ekĩi náaideɛ, a dɛ misikĩi ũ ade nɛ́ↄnɛ.

²⁷Vĩakɛa Diiɛá nibↄna wɛ̃nideɛ, ì ń bↄ ga lɛ́zĩ.