Yáasiↄ 14:19-26 in Boko (Benin)

¹⁹Gbɛ̃vãiↄ misiilɛ gbɛ̃maaↄnɛ, vãikɛnaↄ kúlɛ nↄ̀sɛpuadeↄ kpɛɛlɛ.

²⁰Baa taaside gbɛ̃́dee ì zaaàgu, ãma ↄde gbɛ̃naↄ ìↄ dasi.

²¹Sakaa n gbɛ̃́deeguá duunaɛ. Báaaden gbɛ̃́ pↄ́ ì wɛ̃nadↄ̃ taasideↄnɛ ũ.

²²Vãi wàaipanaↄ sã́sãao lé? Maa wàaipanaↄ sùuu vĩ ń náaio.

²³Mɛkpaa zĩwa ìↄ ài vĩ, mɛ́ yãbↄlɛ ì ń kɛ̃́sã.

²⁴Ɔ̃nↄnaↄ àizɛɛ ì gↄ̃ ń gawi ũ, sↄũↄ faasaikɛ ì ń gↄ̃ faasai.

²⁵Seelade sĩande ì gbɛ̃́ misi, a ɛɛde yã́ mↄafili vĩ.

²⁶Vĩakɛa Diiɛá gbãa'ekĩi náaideɛ, a dɛ misikĩi ũ ade nɛ́ↄnɛ.

BREAK EVERY YOKE
Creating and distributing free Bible translations for the web and mobile phones to every tribe on Earth. Click to learn how you can support this work!