9 Kɛ sɑ̃́ɑ̃́ nkɛĩ́nkɛ̀, bɛ̀ í sokù òmɔù kɛtenkɛ̀ ĩ́nkɛ̀.
10 Dɛɛ̀ te kɛ̀ bɛnìtìbɛ̀ bɛ̀ tũ mbɑ́ nɛ̀ Kuyie nkɔboo, kɛ yɔ̃ mbɛ nɑ́ɑǹtì mɛniɛ nkɔ̃mɛ.
11 Kɛ nɑ́ɑ́ nkɛ tú: Kuyie mbo yĩ́mɛ kɛ́ ntì yɛ̃́? Kɛ tú: Kuyie nkùù bɑkɛ́ kɛĩ́nkɛ̀ nɛ̀ kɛtenkɛ̀ kù í yɛ̃́ dɛ̀mɑrɛ̀.
12 Dɛ kó bɛnitiyɛibɛ dɛ̀mɑrɛ̀ í bɛ̀ kɔɔ́nnɛ̀, bɛɛ̀ kpɑ̀tì dɛ̀úkú.
13 N tũ nnɛ́ wèńkùnnɛ n yɛ̀mmɛ̀ dɛtetìrɛ̀ ndɛɑ̀? N nìtɛ n nɔu kɛ bɛnkɛ n yí cɑ̀ɑ̀rɛ̀mɛ̀ dɛ̀mɑrɛ̀ fɑ̀ɑ̀rɛ̀ nweɑ̀?
14 Kɛ̀ bɛ̀ ɔ̃ ntṹṹ nkɛ m puotì, kɛ n kɔ̃mmù bɑ́ dìì kṹnweńnì.
15 Kɛ̀ n do tú m bo nnɑ́ɑ́ mbɛ̀ nɑ̀ɑ́ mmɛ̀ɛ̀ botí, n nɑ nsoutɛ́ ɑ kɔbɛ yɑɑ̀bí nyi.
