YƐSÃÃ 73:9-15

⁹Kɛ sɑ̃́ɑ̃́ nkɛĩ́nkɛ̀, bɛ̀ í sokù òmɔù kɛtenkɛ̀ ĩ́nkɛ̀.

¹⁰Dɛɛ̀ te kɛ̀ bɛnìtìbɛ̀ bɛ̀ tũ mbɑ́ nɛ̀ Kuyie nkɔboo, kɛ yɔ̃ mbɛ nɑ́ɑǹtì mɛniɛ nkɔ̃mɛ.

¹¹Kɛ nɑ́ɑ́ nkɛ tú: Kuyie mbo yĩ́mɛ kɛ́ ntì yɛ̃́? Kɛ tú: Kuyie nkùù bɑkɛ́ kɛĩ́nkɛ̀ nɛ̀ kɛtenkɛ̀ kù í yɛ̃́ dɛ̀mɑrɛ̀.

¹²Dɛ kó bɛnitiyɛibɛ dɛ̀mɑrɛ̀ í bɛ̀ kɔɔ́nnɛ̀, bɛɛ̀ kpɑ̀tì dɛ̀úkú.

¹³N tũ nnɛ́ wèńkùnnɛ n yɛ̀mmɛ̀ dɛtetìrɛ̀ ndɛɑ̀? N nìtɛ n nɔu kɛ bɛnkɛ n yí cɑ̀ɑ̀rɛ̀mɛ̀ dɛ̀mɑrɛ̀ fɑ̀ɑ̀rɛ̀ nweɑ̀?

¹⁴Kɛ̀ bɛ̀ ɔ̃ ntṹṹ nkɛ m puotì, kɛ n kɔ̃mmù bɑ́ dìì kṹnweńnì.

¹⁵Kɛ̀ n do tú m bo nnɑ́ɑ́ mbɛ̀ nɑ̀ɑ́ mmɛ̀ɛ̀ botí, n nɑ nsoutɛ́ ɑ kɔbɛ yɑɑ̀bí nyi.