12 Wèè cèntì kɛ poti siyɑ́ɑ̀bìsí ò tu osĩ́ntɛ́nìtì nwe.
13 Kɛ ɔ̃ nkɑ̃míí inuɔ nkɛ nɑ́ɑ́nnɛ̀ o nɑɑ̀cɛ̀i kɛ fietì inɔ́mbí,
14 kɛ dɔ́ mɛyɛi nkɛ mɛ̀ wɑnti sɑ̃́ɑ̃̀, kɛ ce nyɛkpɑ̀rɛ̀.
15 Dɛɛ̀ te kɛ̀ mɛyɛi nhɔ̃ɔ̃ ò do dimɔ̀nnì dimɑ́ɑ̀, kóò potɛ́ bɑ́ ò bɑ́ɑ́ nɑ kɛ́yentɛ́ bìtì!
16 Dɛnɛnnɛ̀ bo dɛ̀kuɔ̀ ndi Kuyie nyí dɔ́ dɛ̀, dɛ̀yiekɛ̀ ndi ketíkɛ kù í dɔ́ kɛ́yɑ̀ dɛ̀ fɛnɔ̀nfɛ̀, dɛɛ̀ tu: Tɛpɔ̀tɛ̀, siyɑ́ɑ̀bìsí, ɑ bo sɔ̃́ntɛ́mɛ̀ kɛ́kuɔ onìtì, iyɛntotí yɛiyi, wèè cɑ̃ɑ̃ mɛyɛi mmudɔɔ̀rìmù, ɑ bo nsoúmmɛ̀ kɛ nɑ́ɑ́ nhɑ í yɑ̀ dɛ̀, nɛ̀ ɑ bo ncemmɛ̀ yɛkpɑ̀rɛ̀ ɑ tebìí cuokɛ̀.
20 M birɛ, nyo ɑ cicɛ dɑ nɑ́ɑ́ ntì, bɑ́ɑ́ yetɛ ɑ yɔ̃ tié.
21 Ãnnɛ́ i ɑ yɛ̀mmɛ̀ miɛkɛ, kɛ́ nyì dùúkú ɑ fɔ̃̀níí kusɑ̃rìkù kɔ̃mɛ.
