28 Zĩ birean Yↄsua Makɛda sì. À a kína kũ a gbɛ̃nↄ dɛ̀dɛ ń pínki kũ fɛ̃nɛdao à ń kákatɛ. Bee gbɛ̃ mɛ̀n do dí boro. Akũ à kɛ̀ Makɛda kínanɛ lákũ à kɛ̀ Yɛriko kínanɛ nà.
29 Yↄsua kũ Isarailanↄ bↄ̀tɛ Makɛda ń pínki, akũ ò gɛ̀ɛ Libina ò lɛ̀tɛa.
30 Dikiri wɛ̃tɛ pì kũ a kínaoo nàńnɛ ń ↄĩ, akũ ò ń dɛdɛ kũ fɛ̃nɛdao ń pínki, ń gbɛ̃ke dí boro. Akũ ò kɛ̀ a kínanɛ lákũ ò kɛ̀ Yɛriko kínanɛ nà.
31 Akũ Yↄsua kũ a gbɛ̃nↄ bↄ̀tɛ Libina ò gɛ̀ɛ Lakisi. Ò lìkai ò lɛ̀tɛa.
32 Dikiri Lakisi nàńnɛ ń ↄĩ, a gↄrↄ plade zĩ ò sì. Ò gbɛ̃ kũ ò kunnↄ dɛ̀dɛ kũ fɛ̃nɛdao ń pínki lákũ ò kɛ̀ Libinanɛ nà.
33 Kũ Gɛza kína Oramu sù à kpá Lakisidenↄi, akũ Yↄsua zĩ̀i blèa kũ a zĩ̀karinↄ, ń gbɛ̃ke dí boro.
