Woo Bɛ Ŋɑ 15:17-21

¹⁷Ku bɑ inɛ ŋɑ iyi ɑ kù jɛ inɛi kpɑsɛ̃u fei ɑ dɛdɛ ɑmu Aɔ̃ Lɑfɛ̃ɛ. Aŋɑi ɑ̀ jɛ inɛ ŋɑ iyi ɑ̀ jɛ titom hɑi si dimi mmu ŋɑ.

¹⁸Bɛɛbɛi ɑmu Aɔ̃ Lɑfɛ̃ɛ ǹ fɔ, ɑmu iyi ǹ jɔ̀ ɑ̀ mɑ̀ mii ŋɑu ihɛ̃ hɑi ku kpɛ.

¹⁹Nɔ Zɑɑki í ni mɑ́, nɑ nŋu, si kuyɛm, kù sĩɑ ɑ sɔ̃ hɑi jɛ Zuifu ŋɑ iyi ɑ̀ sindɑ idɔ nŋɑ si Ilɑɑɔ̃u woodɑ ku ɡɑɑbu ŋɑ.

²⁰Ammɑ kɑ ce nŋɑ tiɑ kɑ sɔ̃ ŋɑ ɑ mɑɑ̀ yɑ jɛ ijɛi kuwee, nɔ ɑ mɑɑ̀ yɑ tɔtɔɔ sɛ̃ɛ do inɑɑbo mmu ɡɔ wɑlɑkɔ inɑɑbo mɔ do mɔkɔ mmu ɡɔ, ɑ mɑɑ̀ yɑ ŋɔ iŋɑ jifɑ, nɔ ɑ mɑɑ̀ yɑ ŋɔ kpɑɑi iŋɑ.

²¹Hɑi tɑko wo, si ilu fei ɑ̀ yɑ cio woodɑi Moizi ile bii Zuifu ŋɑ ɑ̀ yɑ ce kutɔtɔɔ si ɑjɔi kusĩmi fei nɔ ɑ wɑɑzo ideɛ.