Womu Duro 8:7-14

⁷Nim wɔ̃kun nim kɑ mɛn kpɑ̃ɑru mu ǹ kpɛ̃ mu kĩrun dɔ̃ɔ go. Mɛyɑ mɑɑ dɑɑnun nim yiburu tɑ ǹ kpɛ̃ tu kĩi te wukiri. Tɔnu wi u win dukiɑ kpuro wɛ̃ bu kɑ nùn kĩɑn sɔ̃, u ǹ kĩi te wɑsi. Yen kɔkɔrɔ, bɑ koo nùn gɛmwɑ.

⁸sɑ sesu piibu mɔ wi u kun ginɑ bwɑ̃ɑ kpiɑ. Amɔnɑ sɑ ko nùn kuɑ sɑnɑm mɛ bɑ nùn kĩɑn nɑ.

⁹Ù n sɑ̃ɑ nge gbɑ̃rɑru, sɑ ko tu tɑ̃sisiɑwɑ kɑ sii geesu. Ù n mɑɑ sɑ̃ɑ nge kɔnnɔ, sɑ ko ge kɔrewɑ kɑ dɑ̃ɑ ye bɑ mɔ̀ sɛdurun gɑmbo.

¹⁰nɑ sɑ̃ɑwɑ nge gbɑ̃rɑru, mɑ nɛn bwɑ̃ɑ yɑ sɑ̃ɑ nge wuu kɔ̃sobun wɑ̃ɑ yeru. Nɛn kĩnɑsi u yɛ̃ mɑ nɑ bɔri yɛndu mɔ win mi.

¹¹Sɑlomɔɔ u resɛm tɔ̃kɑn gbɑɑru mɔ Bɑɑli Hɑmɔɔwɔ. Mɑ u gbɑɑ te kɔ̃sobu nɔmu sɔndiɑ. Ben bɑɑwure u rɑ kɑ sii geesun gobi nɔrɔbu (1.000) nɛwɑ bu sere gbɑɑ ten mɑrum sɔri.

¹²Sɑlomɔɔ u win sii geesun gobi nɔrɔbu (1.000) suo u n mɔ, kpɑ u win gbɑɑ kɔ̃sobu yen goobu (200) wɛ̃. Nɛnɑ nɑ nɛn tiin resɛm gbɑɑru mɔ, mɑ nɑ tu kɔ̃su.

¹³A de n wunɛn nɔɔ nɔ nɛn kĩnɑsi, wunɛ wi ɑ rɑ n wɑ̃ɑ dɑ̃ɑ gbɑɑru sɔɔ. Kpɑɑsibɑ kĩ bu gu nɔ.

¹⁴ɑ wɑsi suo nɛn kĩnɑsi, kpɑ ɑ n sɑ̃ɑ nge yɑɑ kpiku ǹ kun mɛ nge gini kpɛmɑ ye yɑ wɑ̃ɑ guuru wɔllɔ mi yɑkɑ nubu durorugisu wɑ̃ɑ.