1Yesu ma ceki ahira aginome ma ha ani kira nu yahudiya ma kuri madusa piit uhana uraba u urdu ni gura na nabu ni kuri ni a hira meme ma zin nu dungura uwe imumbesa maharika u wuzame.
2Anu bezurusa wa e ahira ame wa ikime, “nani ya wuna uri u ruma “uruma ma harzina nan nu ne umeme?” wa ilime wa iri ini.
3Ma kabirkawe, “ane ni Musa ma inki shi tize?
4Wa gu Musa ma him vana uruma ma nyertike ihori ama cikime madusa.
5Yesu magunwe barki ugbas usheni.
6Usuro utuba Asere a bari vanu ruma nan nu u e.
7Barki ani me vanu ruma madi kiri a co nan ka ino wapat ina.
8Wa ware wa cukuno binama bi inde aziguna wa kadza anawari wa cukuno binama bi inde.
9Vat imumbesa Asere apata unu hara ma zoni.
10Uganiya sa wa ra anyumo akura anu tarsa ume wa kura wa ikime abangame.
11Ma gunme, vat desa ma gido une umeme ma huza anya nan uru nee ma wuza madini.
12Inki vanu e makini uruma ume maka wuza ara nyasas nan ure vanu runa ma wuza madini.
13Anabuwa en inna hana acincin madarwe anu tarsa Uyesu wa gwari kawe.
14Yesu ma iri ani me ma kunna iriba inwe, ma gun we cekini ahana cincin wa e a hira am, kati ikartuwe ba, akura Ugomo Asere usas-suna uwe uni a nyara.
15Ka dure in boshi, vat de sa da makaba tizee ti ugomo sere kasi vana ucin mada ribe me Asesere.
16Maduku gbemdurko ahana ahabu ameme ma ringir ka we.
17Sa ma tuba tanu, urunu ma sumi mabikime matun guno aje ameme ma iki me “unu dungura nyanini indi wuzi in kim bibeu bu zatu mara?
18Yesu magu “nyanini utisom uni dungara uriri? unu dungura uriri memani Ugoma Asere.
19Urusa uinko tize udida hunawe udida wuza imum imadin udida wuzawe ni kari udida wuzawe ma cuco udida nokuwe unu nya aconanka ino tina nu”
20Unume magu “unudugwa vat adodu aginome martarsan ani, ami manyam.
21Yesu ma irime ma gun me imumu inde ini ya dewe kaziza adodu aweme vat u e utarsum, udikum ani Asesere.
22Sa ma kunna tize tigino nipum niwi me camcam ma kunna gwan-gwan ma suri ma kini ahirame barki me uni mum taritini.
23Yesu ma iri anu tarsa umeme magu idi zinijas inimum maribe Asesere.
24Ahana utarsa umeme biyau bimikuwe inni gurang me sa mabuka, Yesu ma kuru ma gun we “idi cukono ini jas unukim maribe Asesere!
25Idi cukuno sheu bironkomi biribe ani hara na lira inni guna uni kim ma ribe Asesere.
26Innu kunna anime saya kini muruba mu wuwe seke “wagu aveni madikafaa.”
27“ Yesu mahiriwe magu”uhira ushime uwuna imum izoni, vat imum iwuna ini a hira asere.
28Bitrus ma gume haru betakini adodu aru ti tar su we.
29Yesu madusa ma gume bade sa ma kini, a kura, nihenu, a ino, aco, a hani nani tiru, barki mi nantize tum.
30Makabi imum gwardan sa idi tekitimum me sama kini adumo.
31Anu gwardan sa we wani anu tuba wadi cukuno anu masi za.
32Wara anyimo tuna uhana urshalima yesu mara aje wawuzi imum ibiyau.
33Tiyen ne ti ha za, u'urshalima adi nya vana, unu atiri tanua dadan dam anu rusa u nyetike litize. Wadi in tize ahume.
34Wa di wuze me ni basa wa tufzi me tobi wa cobi me wahume, inki wa huname madi hiri anyimo atiye titaru.”
35Yakubu nan yohanna a hana, a zabadi wa'e ahira ame wagu,”unudungara ti nyara uwu zin dura immumbe sata iko we.
36Magunwe”nyanini nyara in wuzi shiri”?
37Wagu me kirin duru ti cukuno ani nonzo nowome, unu inde atari tinare uye atinan gure tuweme.
38Yesu ma kabarka magurwe”ida rusa shi imum me sa izunu igizome idake isi ijas me san disi? Wak
39abirka wadake, Yesu ma kabirikawe rusani ijas me san indisi idi si.
40Desa madi cukuno atare tinare nan tinan gure da immani indi nya se an de sa anyawe.”
41Anu kirau anyimo anutarsa ume sa wa kumna anime. watubi kunzuna umu ruba in yakubu nan yohana.
42Yesu matit tuwe magunwe,”irusa anuagebe sawazi agomo aweme wa bezizi anu zatu tarsa asere nikara.
43Daki ame ani idi cukuno anyimo ashime. vat desa ma nyara ma cukuno unanu anyume ashime memani madi cukuno urere a nyimo ma ashime.
44Vat desa ma nyara ma cukuno aje shime, ama cukuno urere.
45Vana unu ma e uwuza ukatuma ka co me kani, da awuzi meni.
46Waribe uyariko sa wa suro uyariko ni gome nan ni go namu tarsa ume. a nyimo atanu tuwe me wasusa wagun na nanurru urubo una ni za bartamawa su sammu timawas ma ciki ani kira nuna.
47Samakuna yesu banazera mani mayezen nigmyirang magu”yesu vana udauda kunna ugogoni um!”
48Anume vat wa kwadi me, wagun me wana tik makuri mayeze nigmyirang ukure.
49Yesu matunno magu atitime wa dusa wa tunno wa titime wagu uni ribahu aye.
50Ma suso udibi ma'hiri matonno ma ha ahira ayeso.
51Yesu ma kabirki me, “nyani ni u nyara in wu zuwe ni?” urubo magu unu rusa in nyara in kin, uhira ahira.
52Yesu magu dusa u hem u'wo me wa humman hu.”Sama kim u hira ma dusa ma tarsime, wa dusa nigome.
