Ukorontiyawa Utuba 16

1

2

3

4

5

6

7

8

9

10

11

12

13

14

15

16

¹Aname abanga a u imum u orso imum ubenki anu tarsa Asere Asere, gusi imum be sa ma wuna shi ana ti denge ta Asere ta u ugalan tiya, ane ani idi wuzi.

²Roni utuba utiye sunare, koya unu ma inki ire imum mazi nu orso asesere urosa u shi wuzani anime inki ma aye ine ini adi orso.

³Inki ma aye, indi tumi vat ande sa ma hem in we in kadure kunyetike wa haan in kadure me urushalima.

⁴Abine ani inki ya wuna urii mi ma indusa, wadi dusa nan mi.

⁵Indi e ahira asime uganiya be sa ma wata u maki do niya, barki indi wata u maki do niya.

⁶Inki idi wu in hira indi dendokino ahira ashime, in hira indi biki nikuzi nan shi, barki i benki ni mi atanu tume, vat ahira me sa in haza.

⁷Ane ani inda nyaram uguna in iri shi uganiya ucigililin. Barki in nyara in zaki uganiya nigoo nan shi, inki ugomo Asere ma hem.

⁸Abanna me indi tonno u afsus u hana batuu ahira anu kirau ina anu ware (pentakus).

⁹Abanna me aronii ishine wa raa ni gbardang.

¹⁰Uganiya sa timoti mā aye irosi mkuno sas anyimo a shi, sa ya cukuno katuma ku gomo Asere kani mazini gusi mime inzini.

¹¹Kati icukuno koda vi ma izii me, ca icukuno shi ya tibin me uhuu ma, barki mā kuro ahira am, barki in zinu ubẹ utina timeme nigoo nan nihenu.

¹²Abanna me tize tuhe nu aru afollos mā nya me kadure ma kem shi woni henu. Barki ani mada nyara u aye ba. Inki uganiya wa aye madi ē.

¹³Cukuno ni unu urosa, tonno nii anyimo a kadure.

¹⁴I bezi iruba ya hana aruma, wuna ni ruba i huū ceki vat imum ni be sa idi wuzi i wuzi anyimo anyara acee.

¹⁵shi sa rosa ahana a kura watubi wa kabi tize ta Asere, wakuri wa witit acce ahira u wuza u katuma, a'aname in zin nu tira ushi tani nibe nu.

¹⁶Tarsan usasana anu agino me nan de vat sa mabengizi shi katuma, makuri ma zinu zito ni goo na harj.

¹⁷Mā wuza iruba irum unu aye u istifanus, afotinas, akaikas, wa benkum u inta ushi.

¹⁸Abanna me wa huma bibe nana shi, Barki anime, wuzan seke nan anage utize ta Asere me.

¹⁹Ana tindenge ti manyanga mu asiya wa iso shi, Akila nan Bilkisu, ni goo nan udenga utize ta Asere sa mazinu tuburo meakura aweme, wazinu isso shi anyimo Asere.

²⁰Vat nihenu anu tarsautize ta Asere in isso shi. Isso na acee wanu gbindirko memeru.

²¹mi Bulus, inzinu nyetike igeme in tari tum.

²²Vat de besa daki mā hem unu ugomo Asere ceki ma cukuno unu uzenzen, ugomo Asere uro aye!

²³Uronta ugomo Asere u cukuno nan shi.

²⁴Ceki uhēm um u cukuno nan shi vat anyimo aniza ni ugomo Asere. (icukuno anime).