1He cabu long tah Naptali koca, Asiel cadil, Rhaphel capa Gabael aka a ca Aduel capa, Haniel capa Tobiel kah a capa Tobit kah cil kawng te a thui
2Anih tah Assyria kah manghai Shamnesrt day vaengah Thisbe lamloh Phogor tlangpuei khotlak kah Asher kungkueng a so Galilee kah Naphtali Kehdesth tuithim ah tamna a khuen.
3Kai, Tobit tah ka hing tue khuiah ah oltak neh duengnah longpuei ah ni ka pongpa. Assyria khohmuen kah Nineveh ah vangsawn la aka cet ka pilnam taeng neh ka huiko taengah ah khaw lungnah bibi he muep ka saii.
4Kamah khohmuen Israel kho ah ka om vaengah camoe la ka om pueng. Te vaengah a pa Naphtali loh Jerusalem neh David imkhui te a thoh. Khopuei te tah Israel koca boeih khui lamloh a tuek coeng. Teah te Israel koca boeih loh hmueih nawn saeh. Teah tah Pathen om nah bawkim om. Te te kumhal kah cadilcahma boeih ham a ciim tih a thoh coeng
5Israel manghai Jeroboam loh Dan neh Galilee tlang boeih a nawn vaito ca te ka huiko neh Naphtali imkhui kah a pa rhoek loh a bawk uh coeng.
6Kai kamah bueng ni Jerusalem kah khoning vaengah khaw ka caeh. Tetah kumhal kah oltloek neh Israel boeih hamla a saii coeng. Ka thaicuek neh, boiva dukcuek neh, saelhung parha pakhat neh, tu mul a rhuep cuek neh Jerusalem la ka cet paitok
7Hmueihtuk kah Aaron koca, khosoih rhoek te he ni ka paek eh. Canghum parha khat, misurtui, olive situi, talae thaih, thaibu neh thingthaih boeih te Jerusalem kah bi aka bi Levi koca taengah ka pae eh. A kum rhuk dongah khaw parha ah panit te ka tung tih Jerusalem la ka caeh vaengah ka tael.
8Parha ah pathum tah cadah nuhmai neh amah Israel hlang la aka coeng hlang rhoek hamla ka tael pah. Te te ka khuen tih a kum thum dongah amih hamla ka tael pah. Te tah a pa Tobiel manu, Deborah kah oluen bangla, Moses kah olkhueng oltloek bangla ka caak. Kai khaw a pa duek tih cadah lam ni kai n'khueh.
9Hlang la ka poeh vaengah tah ka huiko khui lamkah te ka yuu la ka loh. Anih rhangneh kai he Tobias ka sui, tongpa pakhat kah a napa la ka poeh.
10Assyria ah tamna la n'khuen tih Ninveh ah khaw namta la ka om. Te vaengah ka huiko boeih te ka pilnam loh namtom kah buh te a caak.
11Tedae kai tah namtom kah buh aka ca khui lamloh ka cue uh.
12Ka thinko boeih neh Pathen aka poek la ka om dongah.
13Khohni loh kai tah Shalmaneser taengah ah khaw kolonah neh hnothen ni m'paek.
14Anih a dueknah rhil Media la ka cet tih anih hamla ka thimpom pah. Media khohmuen kah ka om vaengah Gabri manuca Gabael taengah tangka sungkoi, talen parha aka ting te ka khueh pah.
15Tedae Shalmaneser a duek vaengah tah a capa Sennkherih te anih yuengla manghai. Te vaengah Media longpuei tah rhih om coeng tih ka cet voel pawh.
16Shalmaneser tue vaengah he ka pilnam neh ka huiko taengah moeihoeinah bih he muep ka saii.
17Ka buh te bungpong taengah, ka himbai te pumtling taengah ka paek. Nineveh vong hilp kah a voeih ka pilnam kah duek rhok te ka hmuh vaengah ka khoem pah.
18Judea lamloh aka yong tih Sennakherib loh a duek sak rhoek kah rhok te khaw ka khoem pah. Te vaengah anih te amah kah salphamnah vanbangla vaan kah manghai loh a duek sak. A thintoek dongah Israel ca muep a duek sak. Tedae a huep la rhok ka khuen tih ka up. Te rhoek te Sennakherib loh a tlap dae a hmuh moenih.
19Te dongah Neniveh hlang pakhat te cet tih manghai taengah kai kawng a thui. Te dongah kamah khaw ka thuh uh. Manghai loh kai kawng a ming tih kai duek sak ham n'tlap te ka ming vaengah tah ka rhih tih ka yong.
20Ka koerhang boeih te khaw hang rhawt. Pakhat kangna khaw paih pawh. A cungkuem te manghai koe la a loh tih ka yuu Anna neh ka capa Tobias bueng te sueng.
21Tedae khohnin likip a koe hlan ah Sennakherih te a ca rhoi loh a ngawn tih Ararat tlang la a yong tak rhoi. Te phoeiah tah a cap Esardon te anih yuengla manghai. Anih long tah ka munca Hanael capa, Ahikate te a tuek tih ram tom kah boeih kah a soah a khueh. Uktaemnah boeih soah saithainah khaw anih te a paek.
22Anih loh kai n'tungaep dongah Neniveh la ka mael. Te vaengah Ahikat tah tultael boeih, kutcin boei neh Assyria manghai Sennakherib kut hmuikah taemrhainah boeih aka hutnah la om. Te dongah Esarhaddon te koep a tuek. Anih tah ka ca la om tih ka huiko rhep la om.
