TITO 2

1

2

3

¹Ti cꞌusi ta xavale, coꞌoluc me schiꞌuc jech chac cꞌu chaꞌal ta xacꞌ ta naꞌel ti lequil chanubtasele.

²Albo yaꞌi ti moletique ti acꞌo yichꞌ sbijilique, ti lecuc ti scꞌoplalique, ti lecuc ta qꞌuelel ti scuxlejalique, ti junuc yoꞌnton xchꞌunojicuc ti Cajvaltique, ti oyuc scꞌuxul yoꞌntonique, ti oyuc smucꞌul stsatsal ti yoꞌntonique.

³Jaꞌ jech xtoc, albo yaꞌi ti yayiletique ti lecuc ta qꞌuelel ti scuxlejalique, ti maꞌucuc ti jloꞌiltavanejetique, ti maꞌucuc ti jyacubeletique. Jaꞌ ta scꞌan ti acꞌo yaqꞌuic ta qꞌuelel ti cꞌusi leque.

⁴Yuꞌun jaꞌ yabtelic ti ta xchanubtasic ti tsebal antsetic ta xcꞌuxubinel ti smalalique schiꞌuc ti yolique,

⁵ta spasel ti cꞌusi leque, ti lec ti stalelique, ti ta sventain ti snae, ti oy slequil ti yoꞌntone, ti coꞌoluc yoꞌnton schiꞌuc ti smalale, yoꞌ jech muꞌyuc buchꞌu chopol ta xcꞌopoj ta stojol ti lequil achꞌ cꞌop yuꞌun ti Diose.

⁶Jechuc me xatsatsubtasbe yoꞌntonic xtoc ti querem viniquetique ti tucꞌuc ti sjolique.

⁷Acꞌbo yil ti voꞌote ti lec ta xapas scotole. Cꞌalal ta xachanubtase, ta slequiluc ta yutsiluc avoꞌnton.

⁸Oyuc smelol xtoc ti cꞌusi ta xavale, yoꞌ jech mu xasaꞌbat amul. Jech ti buchꞌu ta xcrontainvane tey ta xqꞌuexav. Yuꞌun mu xuꞌ ta xchopol-cꞌopoj ta atojolic.

⁹Bijubtaso ti mosoviletique ti acꞌo xchꞌunbeic smantal ti yajvalique, ti lecuc ti yoꞌntonique, ti mu ta tacꞌobiluc ta xcꞌopojique.

¹⁰Albo yaꞌiic ti mu me xꞌelcꞌajique. Acꞌo yaqꞌuic ta ilel ti lec yoꞌntonique, yoꞌ jech ta xqꞌuelbat scotol ti scuxlejalique ti yan yutsil ti chanubtasel yuꞌun ti Jcoltavanej Dios cuꞌuntique.

¹¹Yuꞌun ti Diose laj xa yacꞌ ta ilel ti scꞌuxul yoꞌntone, ti jaꞌ scolelic scotol ti cristianoetique.

¹²Ti scꞌuxul yoꞌnton ti Diose jaꞌ ta xischanubtasotic ta yictael ti cꞌusi chopole schiꞌuc ti scꞌupijel oꞌntonal yuꞌun ti sba banomile. Jaꞌ ta xischanubtasotic ti acꞌo ayanuc batel ti lequil cuxlejal liꞌ ta sba banomile yoꞌ jech lec, jun coꞌntontic ta xquichꞌtic ta mucꞌ ti Diose.

¹³Jaꞌ jech xtoc jaꞌ ta xischanubtasotic ti acꞌo jmalatic ti jun mucꞌ ta cꞌacꞌal ti albil onoꞌox scꞌoplale. Yuꞌun jun yutsil ta xtal ti mucꞌul Dios cuꞌuntique schiꞌuc ti Jcoltavanej Jesucristoe.

¹⁴Yuꞌun ti stuque jaꞌ laj yacꞌ sba ta milel ta jcojtic yoꞌ jech ta scoltaotic loqꞌuel ta stojol ti mulile, yoꞌ jech ta slecubtas ta jꞌechꞌel ti coꞌntontique, yoꞌ jech ta xijcꞌot ta yuꞌun, yoꞌ jech ta xbat coꞌntontic ta spasel ti cꞌusi leque.

¹⁵Ti vaꞌi sꞌelan laj calbot liꞌe, jaꞌ avabtel ti ta xatsatsubtasbe ta xatuqꞌuibtasbe yoꞌntonic. Jaꞌ me jech xapas yoꞌ jech mu xasbajic.