Tingtoeng 44:5-24

⁵Nang rhang neh ka rhal rhoek te ka thoeh uh. Kaimih taengkah aka tlai rhoek na ming neh ka suntlae uh.

⁶Ka liva dongah ka pangtung pawt tih ka cunghang loh kai n'khang moenih.

⁷Tedae ka rhal kut lamkah kaimih nan khang tih kaimih kah ka lunguet rhoek te na yah sak.

⁸Hnin takuem Pathen rhang neh ka thangthen uh tih na ming te kumhal duela ka uem uh ni. Selah

⁹Tedae nan hlahpham tih kaimih kah hmaithae na sai dae ka caempuei taengla na pawk tloe moenih.

¹⁰Rhal taeng lamkah kaimih he hnuk la let nan khuen vaengah ka lunguet rhoek loh amamih vik te tukvat uh thae.

¹¹Boiva bangla kaimih he maeh la nan mop tih namtom taengah kaimih he nan thaek nan yak.

¹²A rhoeh pawt dongah na pilnam na yoih dae amih phu nen khaw na rhoeng hae pawh.

¹³Imben rhoek ham kokhahnah, tamdaengnah neh kaepvai kah soehsalnah la kaimih nan khueh.

¹⁴Namtom rhoek taengah thuidoeknah neh namtu pawt kah lu thuknah ham ni kaimih he nan khueh.

¹⁵Kamah kah mingthae loh hnin takuem kamah hmuh ah om tih,

¹⁶aka veet kah ol neh thunkha nah phu aka lo kah mikhmuh ah a hliphen dongah ka maelhmai he yahpohnah loh a thing khoep.

¹⁷He boeih loh kaimih taengah ha pai dae nang kan hnilh uh pawt tih na paipi dongah rhi ka lat uh moenih.

¹⁸Ka lungbuei he a hnuk la balkhong pawh. Kaimih khokan long khaw na caehlong te phaelh pawh.

¹⁹Tedae pongui kho ah kaimih nan phen tih dueknah hlipkhup neh nan khuk thil.

²⁰Ka Pathen ming ka hnilh uh tih rhalawt pathen taengah kut ka phuel uh atah,

²¹Lungbuei kah a huephael aka ming Pathen loh hekah he khe mahpawt a?

²²Nang ham dongah maeh aka ngawn kah boiva la poek uh tih hnin takuem ah kaimih n'ngawn uh.

²³Haenghang laeh ba dongah lae na ih. Ka Boeipa, thoo laeh a yoeyah la nan hlahpham tarha mahpawh.

²⁴Ba dongah lae na hmai na thuh tih kaimih pum kah phacipphabaem neh hnaemtaeknah na hnilh?