Tingtoeng 119:158-176

¹⁵⁸Na olthui a ngaithuen uh pawt dongah hnukpoh te ka hmuh vaengah ka ko-oek.

¹⁵⁹Na olrhi ka lungnah te hmu lamtah BOEIPA aw na sitlohnah bangla kai n'hing sak.

¹⁶⁰Na ol tah oltak boeilu la om tih pai tih na duengnah dongkah laitloeknah boeih kumhal duela cak.

¹⁶¹Mangpa rhoek loh lunglilungla la kai n'hloem uh cakhaw na ol phoeikah na ol dongkah ni ka lungbuei loh a rhih.

¹⁶²Na olthui dongah tah kutbuem muep aka dang bangla ka ngaingaih.

¹⁶³Na olkhueng ka lungnah dongah laithae he ka thiinah tih ka tuei.

¹⁶⁴Na duengnah dongkah laitloeknah dongah namah te hnin at ah voeirhih kan thangthen.

¹⁶⁵Na olkhueng aka lungnah rhoek ham ngaimongnah yet tih amih taengah hmuitoel khaw om pawh.

¹⁶⁶Namah kah khangnah te ka lamso dongah BOEIPA aw na olpaek te ka vai.

¹⁶⁷Na olphong te muep ka lungnah dongah ka hinglu te a ngaithuen.

¹⁶⁸Namah hmaikah ka longpuei boeih ham na olrhi neh na olphong ni ka ngaithuen.

¹⁶⁹Ka tamlung loh BOEIPA namah mikhmuh la ha pawk saeh lamtah na ol bangla kai n'yakming sak.

¹⁷⁰Kai kah lungmacil loh na mikhmuh la ha pawk saeh lamtah na olthui bangla kai n'huul lah.

¹⁷¹Na oltlueh te kai nan cang puei dongah ka hmuilai kah koehnah he phuet saeh.

¹⁷²Namah kah duengnah olpaek boeih dongah na olthui te ka hmuilai loh doo saeh.

¹⁷³Na olrhi te ka coelh coeng dongah kai na kut te aka bom la om saeh.

¹⁷⁴BOEIPA nang kah khangnah te ka hue dongah na olkhueng ni ka hlahmaenah coeng.

¹⁷⁵Ka hinglu he a hing daengah ni nang n'thangthen vetih na laitloeknah loh kai n'bom eh.

¹⁷⁶Tu bangla kho ka hmang tih aka milh dae, na sal he na na olpaek ka hnilh pawt dongah n'tlap lah.