Tinavete 15:37-40

³⁷Hiva turaṉia Banabasi se Zone Maka,

³⁸ba lopu va egoa Paula sa binalabala asa, sina lopu va hokotia e Zone Maka sa dia inene tarae kekenu, ba luara veko pani sa si arini pa Pamipilia.

³⁹Ṉiṉira sa dia vinaritokei, ke varipaqahi tu sari kara. E Banabasi si turaṉia se Zone Maka, meke toka la gua pa Nusa Saeparasi.

⁴⁰E Paula si vizatia se Saelasi. Tava madi sari kara koari na tie te Karisito, pude ta kopue pa korapa tataru variharupi tanisa Baṉara, beto meke taluarae taloa sari kara.