12 A umana king dia milmilikuane tuna ra kaina mangamangana, Tago ra kiki na king i tur dekdek ta ra mangamangana takodo.
13 A umana king dia manga gugu ta ra takodo na tinata, Ma dia manane nina ba i ko kana pirpir.
14 A kankan kai ra king i da ra tena varvai ure ra minat, A tena kabinana i vamaram pa ia.
15 Ba ra king i matana varmari i da ra nilaun, Ma kana varmananai i da ra bakut na bata.
16 A niongor upi ra kabinana i boina ta dir ma ra niongor upi ra goled; I boina ba da pilak pa ra niongor upi ra minatoto, ma koko ra niongor upi ra silva.
17 A nga kai ra dovot na tarai i vana irai kan ra varpiam; Nina i balaure kana vinavana i vaale bat kana nilaun.
