Tinata Valavalar 16:12-17

¹²A umana king dia milmilikuane tuna ra kaina mangamangana, Tago ra kiki na king i tur dekdek ta ra mangamangana takodo.

¹³A umana king dia manga gugu ta ra takodo na tinata, Ma dia manane nina ba i ko kana pirpir.

¹⁴A kankan kai ra king i da ra tena varvai ure ra minat, A tena kabinana i vamaram pa ia.

¹⁵Ba ra king i matana varmari i da ra nilaun, Ma kana varmananai i da ra bakut na bata.

¹⁶A niongor upi ra kabinana i boina ta dir ma ra niongor upi ra goled; I boina ba da pilak pa ra niongor upi ra minatoto, ma koko ra niongor upi ra silva.

¹⁷A nga kai ra dovot na tarai i vana irai kan ra varpiam; Nina i balaure kana vinavana i vaale bat kana nilaun.