1A NEN me kotin kokop melel, ni imwin kaua akai pan pupe wei jan pojon, ap id wuki on nen widin o padak en tewil akan,
2Me kin janjale mau ki liki, ap likilikam o injen arail kakaluakalar ki kijin mata karakar.
3Re kin inapwiedi kapapaud, o dene ren liki jan jon en mana, me Kot kotin wiadan irail, me danke, o pojon, o dedekila melel o.
4Pwe audepa karoj, en Kot me mau, o jota meakot me mal, ma aramaj pan tunole ap danke.
5Pwe a pan kajaraui kila majan Kot o kapakap.
6Ma koe pan padaki on ri atail akan, koe ap pan papa en Krijtuj Iejuj mau amen, me kin keleki majan en pojon o padak mau, me koe dadaureta mau lel met.
7A koe en kan kajoi likam en li laud akai o kaianeki pein uk me kon on Kot.
8Pwe kaiane kin uk pali war, a jota non katepa, a meid mau paieki Kot ni meakaroj, pwe iei kaporopor en maur et o pil maur kokodo.
9Nan melel kajoi pot et o a war on kitail en apwaliela.
10Pwe iet me je kin dodok on o kalokolokki, at kaporoporeki Kot ieiaj, me Jaunkamaur en aramaj akan karoj, a maj on irail me pojon.
11Mepukat koe en katitiki o kaukaweweki.
12Jota amen me pan mamaleki om manakap, a wiala men kaalemoni on jaulan kan, ni om lokaia o wiawia kan, o limpok, o pojon, o makelekel.
13O nantion wadok, o panaui, o padak lao i pan pwar wei.
14Der kajamal la pai en mak o, me koe aleer ki deideikop o ni en jaunkoa kan ar pwil pa ar po om.
15Koe en podidi o jopijokki mepukat, pwe om lolekon en janjal on karoj.
16Kalaka pein uk o padak o, tenedi on jon pukat, pwe ma koe pan wiada due, koe ap pan dorela pein uk o pil, me kin ron uk.
