Thuhilpa 7:15-28

¹⁵Keiman hinlona ajeh umloutobang bep leiset hinkhoa hin, khangdong phatah tah ho athiachule migilou ho hinkho asot’uhikamu doh in ahi.

¹⁶Hijeh chun mohphat behset hihin, ahilouva ahileh chingval behsethih in! Idia nangmatah kisumangding nahi ham?

¹⁷Chutima chun gilou behset jongbol hih in. Ngol hih beh in! Ipidinga naphat lhin masanga thi ding nahim?

¹⁸Hiche kihil naho hi lunggut ingel in, ajeh chu koi hitaleh Pathenging mi chun; hitobang che valna hiania hintoh ponte.

¹⁹Khopi sunga lamkai mi somsangin, miching khat chu gamchengin ahat joi.

²⁰Leiset chunga hin mihemkhatcha aphajeng bol chonse khalouhel aumpoi.

²¹Mi thusei jouse het ding go hihin, nasoh jeng in jong na gaosap get in nate.

²²Ajeh chu nangma tah jeng in jong midang na gaosap ji chu na henai.

²³Keiman kajo channa chihna inkalunggel le kachonna eilamkai jingna ding in ka ngai ton ahi. Keimatahin kaseijin, “Keima chingthei dingin ka kigel lha tai.” Hinlah ka chutitheijou hihbeh in ahi.

²⁴Chihna hi gamlatah’a aum jingin chule holdoh jong ahah sai.

²⁵Keiman muntina chun, chihna lehetkhenna chu iti hung umhija hamtin ajeh kahol in ahi. Keima tah inkholchilna neija konin gitlouna hingol jeh ahin, chule ngol kitihi lungchavai kiseina ahije, ti phot chenna kanei ahi tai.

²⁶Keiman kavet chil’a ahileh, duha-thuhtah numei chu thitheinathangkol sanga khohse joa ahichuka kholdoh ahitai. Ami heboljong kipalna thangkol bep ahi, chule akhut nemtah jong chukihenna thihkol ahibouve. Pathenlunglhaina’a umho chu amanuakon’a hoidoh ding, hinlah chonseho chu amanu thanga ga-oh dingahiuve.

²⁷Thuhilpa chun, “Hiche hikeiman hoima lamjouse ahitheinading kavet toh lea konna achainakasem chu hiche hi ahi.

²⁸Keiman kavel hol hol jeng vangin, ka hol lona pentah chu kamujoupoi. Mi sangkhat lah’a khatbougunchena nei pasal khat ahijouvin, hinlah numei khat jong akimujoupoi.