Thuhilpa 2:6-8

⁶Keimanthingphungmang keikoija ahung um doh theinan twichapna ding in twikhol khomna ding tampi jong kasem in ahi.

⁷Keiman soh pasal hole soh numeiho jong ka chon chule ka-in muna pengden soh phabep jong ka neijin ahi. Chule keiman masanga Jerusalema ana cheng leng ana umsa ho sang in jong, gancha hole gan lentah tah ho geijin jong kanei tam jon ahi.

⁸Keiman lengtampi ho le agam sung uva dangka tamtah le sanatamtah ho ka kholkhom in ahi. Keiman numei hole pasal ho lah’alasathem kidangtah tah kaki thalahin chule melhoitah tah thaikem hojong ka neijin, pasal khat in alung’aadeichat chan chu ka neisoh kei jin ahi.