16 Ajeh chu miphalou ho chu, thilse bol masa louvin ajan choldojipouvin ahi.
17 Amahon phatlouna ga-a bouane-jiuvin, pumtho chang’a anatohuchu judon banga adon jiu ahi.
18 Mi chonpha ho lam lhahna vangchu jing ninou bang in asoh jin, sunlai nisa asat bang in, avah chehcheh jin ahi.
19 Amavang miphalou ho lam lhahchu muthim lah bang bep ahin, hoilaija kipal diu ham tijong akihetphahji pouvin ahi.
20 Ka chapa, kathuhil ho ngaiphan, kasei thucheng ho lunglut tah’in ngaijin.
21 Hichengse hi namit mun mansahhih hel in, nalungthim sungachensah jing tan.
22 Ajeh chu hiche kimu chan chunhinna’a anei ding, atahsa pumpijeng jong adamsah ding ahi.
23 Khodah in limgeh chan um in, ajeh chu hinna gui hung konna asohjin ahi.
24 Thudihlou nasei ho pai lhan, thuchavei nasei jouse jong dalha tan.
25 Na mitte-nin ching geh in namalam vephan, chutileh namai changa nathilmu jeng jong adih hiding ahi.
26 Nakeng phang tenia nachotna ding mun vemasan, ajeh chu nalam lhahna jouse kicheh ding ahi.
27 Jetle vei-a jong kiheile dan, chule thil dihlou lampia kon chun nakeng phang sepdoh tan.
