Thuchihbu 4:16-27

¹⁶Ajeh chu miphalou ho chu, thilse bol masa louvin ajan choldojipouvin ahi.

¹⁷Amahon phatlouna ga-a bouane-jiuvin, pumtho chang’a anatohuchu judon banga adon jiu ahi.

¹⁸Mi chonpha ho lam lhahna vangchu jing ninou bang in asoh jin, sunlai nisa asat bang in, avah chehcheh jin ahi.

¹⁹Amavang miphalou ho lam lhahchu muthim lah bang bep ahin, hoilaija kipal diu ham tijong akihetphahji pouvin ahi.

²⁰Ka chapa, kathuhil ho ngaiphan, kasei thucheng ho lunglut tah’in ngaijin.

²¹Hichengse hi namit mun mansahhih hel in, nalungthim sungachensah jing tan.

²²Ajeh chu hiche kimu chan chunhinna’a anei ding, atahsa pumpijeng jong adamsah ding ahi.

²³Khodah in limgeh chan um in, ajeh chu hinna gui hung konna asohjin ahi.

²⁴Thudihlou nasei ho pai lhan, thuchavei nasei jouse jong dalha tan.

²⁵Na mitte-nin ching geh in namalam vephan, chutileh namai changa nathilmu jeng jong adih hiding ahi.

²⁶Nakeng phang tenia nachotna ding mun vemasan, ajeh chu nalam lhahna jouse kicheh ding ahi.

²⁷Jetle vei-a jong kiheile dan, chule thil dihlou lampia kon chun nakeng phang sepdoh tan.