5 Chuteng na loujao dung uvathingga lou dingle lengpi theigalou ding alhang alhang a mihemki kaiya, chu teng na oiva sel uvachanglhah na neh cheh diu na gamsung jeng uva jong lungmong lelhamong a na khosah diu ahi tai.
6 Chuteng keiman nangho gamsungpumpia chamna ka umsah ding, nomtah a na choldo diu koiman nasuh kichat tahlou diu ahi; gamsungpumpia gamsa pha lou jouse ka tolmang hel ding, na chenna’u gamjeng a jong hem mangcha a ki tonaum talou ding ahi.
7 Na mel mate’u na del jam joh diu, na masang lai tah uva chem jam tothoa na sat lih jeng diu ahi bouve.
8 Nang ho akonna mi nga jeng injong mi jakhat na del jam thei diu, chule nangho mi ja khat seh inmelma sangsom na del jam thei kitdiu ahi; namel mateo chu chemjamlama nasat chop joukei diu ahi.
9 Na boncha uva ka gel khoh chehdiu, na boncha chung uva ka kitepnajong guilhung sah ding kahi.
10 Na boncha uva na hou thei diulho sohga a beisa na neh neh uva, lho sohga thah ahung lhun kit tengaumsa ho chu na otdoh diu ahiye.
11 Keima tah jong nalah uva khosa ding ka hin, ka lungsung jeng ajong kidah tah a na kibol kit lou diu ah itai.
12 Chu leh na lah uva ka lhat leleding, Na Pathen pao chu ka hi jingding; na boncha uva ka mite nahijing diu ahi.
13 Egypt gam mite soh nahi lou nadiuva agam sung uva konna hinpuigal kai Pakai na Pathen uchu keimahi ka hin, keiman na boncha uvanamkol chu ka suh chip a nanghojouse ding det puma ka che sah nahi tauve. Louchal Jih’a Suhgimna
14 Na boncha uvin ka thu nit dingna nom pouve, thupeh jouse jong najui ta po uvin ahi;
15 Ka chonna dan aboncha nahsah louva na koi ule, na hinkhosung uva ka chondan ho ki dah lethet a na koi khah ngei ngei ule, kathupeh khat cha beh jong bol dinggo louhel’a na um uva, ka kitep nana pel keh khah tah ule;
