Thempu Dan 26:5-15

⁵Chuteng na loujao dung uvathingga lou dingle lengpi theigalou ding alhang alhang a mihemki kaiya, chu teng na oiva sel uvachanglhah na neh cheh diu na gamsung jeng uva jong lungmong lelhamong a na khosah diu ahi tai.

⁶Chuteng keiman nangho gamsungpumpia chamna ka umsah ding, nomtah a na choldo diu koiman nasuh kichat tahlou diu ahi; gamsungpumpia gamsa pha lou jouse ka tolmang hel ding, na chenna’u gamjeng a jong hem mangcha a ki tonaum talou ding ahi.

⁷Na mel mate’u na del jam joh diu, na masang lai tah uva chem jam tothoa na sat lih jeng diu ahi bouve.

⁸Nang ho akonna mi nga jeng injong mi jakhat na del jam thei diu, chule nangho mi ja khat seh inmelma sangsom na del jam thei kitdiu ahi; namel mateo chu chemjamlama nasat chop joukei diu ahi.

⁹Na boncha uva ka gel khoh chehdiu, na boncha chung uva ka kitepnajong guilhung sah ding kahi.

¹⁰Na boncha uva na hou thei diulho sohga a beisa na neh neh uva, lho sohga thah ahung lhun kit tengaumsa ho chu na otdoh diu ahiye.

¹¹Keima tah jong nalah uva khosa ding ka hin, ka lungsung jeng ajong kidah tah a na kibol kit lou diu ah itai.

¹²Chu leh na lah uva ka lhat leleding, Na Pathen pao chu ka hi jingding; na boncha uva ka mite nahijing diu ahi.

¹³Egypt gam mite soh nahi lou nadiuva agam sung uva konna hinpuigal kai Pakai na Pathen uchu keimahi ka hin, keiman na boncha uvanamkol chu ka suh chip a nanghojouse ding det puma ka che sah nahi tauve. Louchal Jih’a Suhgimna

¹⁴Na boncha uvin ka thu nit dingna nom pouve, thupeh jouse jong najui ta po uvin ahi;

¹⁵Ka chonna dan aboncha nahsah louva na koi ule, na hinkhosung uva ka chondan ho ki dah lethet a na koi khah ngei ngei ule, kathupeh khat cha beh jong bol dinggo louhel’a na um uva, ka kitep nana pel keh khah tah ule;