Taruxui 7:4-8 in Susu

⁴ Awa, a naxa mini Kalidi bɔxi ra, a sa sabati Xarani. Mɛnni, a baba faxa xanbi, Ala naxa a radangi yi bɔxi ma wo sabatixi dɛnnaxɛ yi ki to.

⁵ A mu lingira yo fi a ma yi bɔxi kui hali santide. Kɔnɔ a naxa laayidi tongo a bɛ, a fama yi bɔxi fide a tan nun a bɔnsɔɛ nan ma, hali a faxa xanbi. Na waxati di yo mu nu na a bɛ sinden.»

⁶ «Ala naxa a fala a bɛ, ‹I bɔnsɔɛ sabatima bɔxi gbɛtɛ nan ma. Mɛnni e findima nɛ konyie ra. E e ɲaxankata ɲɛ kɛmɛ naani bun.›

⁷ Ala man naxa a fala, ‹N fama na si makiitide naxan e rasoma konyiya kui. Na dangi xanbi, e kelima nɛ naa, e fa n batu be.›»

⁸ «Awa, Ala naxa sunna saatɛ fi Iburahima ma. Iburahima to Isiyaga bari, a naxa a sunna a xi solomasaxan nde ma. Isiyaga to Yaxuba bari, a naxa a fan sunna. Yaxuba fan naxa won benba fu nun firinyie sunna.»

⁴ عَوَ، عَ نَشَ مِنِ كَلِدِ بْشِ رَ، عَ سَ سَبَتِ شَرَنِ. مّننِ، عَ بَبَ قَشَ شَنبِ، عَلَ نَشَ عَ رَدَنفِ يِ بْشِ مَ وٌ سَبَتِشِ دّننَشّ يِ كِ تٌ.

⁵ عَ مُ لِنفِرَ يٌ قِ عَ مَ يِ بْشِ كُي هَلِ سَنتِدٍ. كْنْ عَ نَشَ لَايِدِ تٌنفٌ عَ بّ، عَ قَمَ يِ بْشِ قِدٍ عَ تَن نُن عَ بْنسْي نَن مَ، هَلِ عَ قَشَ شَنبِ. نَ وَشَتِ دِ يٌ مُ نُ نَ عَ بّ سِندٍن.»

⁶ «عَلَ نَشَ عَ قَلَ عَ بّ، ‹عِ بْنسْي سَبَتِمَ بْشِ فبّتّ نَن مَ. مّننِ عٍ قِندِ مَ نّ كٌنيِيٍ رَ. عٍ عٍ حَشَنكَتَ حّ كّمّ نَانِ بُن.›

⁷ عَلَ مَن نَشَ عَ قَلَ، ‹ﭑ قَمَ نَ سِ مَكِيتِدٍ نَشَن عٍ رَ سٌمَ كٌنيِيَ كُي. نَ دَنفِ شَنبِ، عٍ كٍلِمَ نّ نَا، عٍ قَ ﭑ بَتُ بٍ.›»

⁸ «عَوَ، عَلَ نَشَ سُننَ سَاتّ قِ عِبُرَهِمَ مَ. عِبُرَهِمَ تٌ عِسِيَفَ بَرِ، عَ نَشَ عَ سُننَ عَ شِ سٌلٌمَسَشَن ندٍ مَ. عِسِيَفَ تٌ يَشُبَ بَرِ، عَ نَشَ عَ قَن سُننَ. يَشُبَ قَن نَشَ وٌن بٍنبَ قُ نُن قِرِنيِيٍ سُننَ.»