Taruxui 17:22-30 in Susu

²² Pɔlu naxa ti Areyopago tagi, a naxa a fala, «Atɛnkae, n bara a to diinɛlae yati yati nan wo ra.

²³ N bara see to wo naxee batuma. N man bara sɛrɛxɛbade nde to, a sɛbɛxi naxan ma, ‹Ala naxan mu kolonxi!› Wo naxan batuma, a fa lu wo mu a kolon, n na nan ma fe masenfe wo bɛ.

²⁴ Ala naxan duniɲa daaxi, a nun se naxan birin na a kui, a tan naxan koore nun bɔxi Marigi ra, a mu sabatixi banxi kui mixi bɛlɛxɛ naxan nafalaxi.

²⁵ A hayi mu na see ma adama naxan xaninma a xɔn ma. A tan nan baloe nun ɲɛngi nun se birin fima mixi ma.

²⁶ A tan nan a niya mixi birin xa mini benba keren fate. A naxa e rasabati bɔxi birin ma. A man naxa e xa waxati nun e lude naaninyie sa,

²⁷ alako e xa Ala fen, e xa kata a kolonde, hali a to mu makuya won na.

²⁸ Wo xa lɔnnilae yati fan bara a fala, ‹Won baloxi a tan nɛ, won fe birin nabama a tan nan saabui ra, nun won minixi a tan nɛ. A bɔnsɔɛ nan won na.›

²⁹ Awa xa won kelixi a bɔnsɔɛ nɛ, a mu lanma won xa a maɲɔxun a Ala maniyaxi xɛɛma, gbeti, xa na mu gɛmɛ nan na, mixi bɛlɛxɛ naxan solixi e xaxili ra.

³⁰ Ala mu nu na fe kolontareya tɛmui matoxi, kɔnɔ yakɔsi a bara a fala mixi birin bɛ, yire birin, e xa tuubi,

²² ثْلُ نَشَ تِ عَرٍيٌثَفٌ تَفِ، عَ نَشَ عَ قَلَ، «عَتّنكَيٍ، ﭑ بَرَ عَ تٌ دِينّلَيٍ يَتِ يَتِ نَن وٌ رَ.

²³ ﭑ بَرَ سٍيٍ تٌ وٌ نَشٍيٍ بَتُمَ. ﭑ مَن بَرَ سّرّشّبَدٍ ندٍ تٌ، عَ سّبّشِ نَشَن مَ، ‹عَلَ نَشَن مُ كٌلٌنشِ!› وٌ نَشَن بَتُمَ، عَ قَ لُ وٌ مُ عَ كٌلٌن، ﭑ نَ نَن مَ قٍ مَسٍنقٍ وٌ بّ.

²⁴ عَلَ نَشَن دُنِحَ دَاشِ، عَ نُن سٍ نَشَن بِرِن نَ عَ كُي، عَ تَن نَشَن كٌورٍ نُن بْشِ مَرِفِ رَ، عَ مُ سَبَتِشِ بَنشِ كُي مِشِ بّلّشّ نَشَن نَقَلَشِ.

²⁵ عَ هَيِ مُ نَ سٍيٍ مَ عَدَ مَ نَشَن شَنِنمَ عَ شْن مَ. عَ تَن نَن بَلٌي نُن حّنفِ نُن سٍ بِرِن قِمَ مِشِ مَ.

²⁶ عَ تَن نَن عَ نِيَ مِشِ بِرِن شَ مِنِ بٍنبَ كٍرٍن قَتٍ. عَ نَشَ عٍ رَ سَبَتِ بْشِ بِرِن مَ. عَ مَن نَشَ عٍ شَ وَشَتِ نُن عٍ لُدٍ نَانِنيِيٍ سَ،

²⁷ عَلَكٌ عٍ شَ عَلَ قٍن، عٍ شَ كَتَ عَ كٌلٌندٍ، هَلِ عَ تٌ مُ مَكُيَ وٌن نَ.

²⁸ وٌ شَ لْننِلَيٍ يَتِ قَن بَرَ عَ قَلَ، ‹وٌن بَلٌشِ عَ تَن نّ، وٌن قٍ بِرِن نَبَمَ عَ تَن نَن سَابُي رَ، نُن وٌن مِنِشِ عَ تَن نّ. عَ بْنسْي نَن وٌن نَ.›

²⁹ عَوَ شَ وٌن كٍلِشِ عَ بْنسْي نّ، عَ مُ لَنمَ وٌن شَ عَ مَحْشُن عَ عَلَ مَنِيَشِ شّيمَ، فبٍتِ، شَ نَ مُ فّمّ نَن نَ، مِشِ بّلّشّ نَشَن سٌلِشِ عٍ شَشِلِ رَ.

³⁰ عَلَ مُ نُ نَ قٍ كٌلٌنتَرٍيَ تّمُي مَتٌشِ، كْنْ يَكْسِ عَ بَرَ عَ قَلَ مِشِ بِرِن بّ، يِرٍ بِرِن، عٍ شَ تُوبِ،