Taruxui 16:1-13 in Susu

¹ Pɔlu naxa siga Deribe nun Lisitire. Isa fɔxirabirɛ nde nu na, a xili Timote. Yuwifi ginɛ danxaniyatɔɛ nde xa di nan nu a ra. A baba Girɛkika nan nu a ra.

² Lisitire nun Ikoniyon ngaxakerenyie nu a xili fanyi falama.

³ Pɔlu to wa a xaninfe a xun, a naxa a sunna Yuwifie xa fe ra naxee nu na mɛnni, barima birin nu a kolon a baba Girɛkika na a ra.

⁴ E naxa xɛɛrae nun Isa fɔxirabirɛe kuntigi naxee nu na Darisalamu, e naxa nee xa natɛ masen danxaniyatɔɛe bɛ na taae kui, e xa a rabatu.

⁵ Danxaniyatɔɛ ɲamae xa danxaniya sɛnbɛ xun nu masama, danxaniyatɔɛ kɔnti fan xun nu masa lɔxɔ yo lɔxɔ.

⁶ Ala Xaxili Sɛniyɛnxi to mu tin e xa kawandi ti Asi bɔxi ma, e naxa Firigiya nun Galati bɔxi igiri.

⁷ E to makɔrɛ Misi bɔxi ra, e naxa wa sofe Bitiniya, kɔnɔ Isa Xaxili mu tin e xa siga naa.

⁸ Awa, e naxa Misi igiri, e naxa goro Tiroyasi.

⁹ Kɔɛ ra, Pɔlu naxa laamatunyi to. Masedonka nde naxa keli, a fa a maxandi, «Fa Masedon bɔxi ma, i xa fa muxu mali.»

¹⁰ Pɔlu laamatunyi to xanbi, muxu naxa la a ra a Marigi bara muxu xili xibaaru fanyi kawandife ra naa. Muxu naxa kata sigafe ra Masedon keren na.

¹¹ Muxu to keli Tiroyasi, muxu naxa baki kunkui kui, muxu naxa muxu ya rafindi Samotirasi ma keren na. Na kuye iba, muxu naxa ti Neyapoli.

¹² Muxu to keli naa, muxu naxa siga Filipi, Masedon taa singe. E nu na Rɔmakae xa mangɛya nan bun ma. Muxu naxa saxanyi radangi na taa kui.

¹³ Malabu lɔxɔɛ, muxu naxa siga taa fari ma xure dɛ ra, muxu dɛnnaxɛ maɲɔxun salide ra. Muxu to dɔxɔ, muxu naxa wɔyɛn ginɛe ra naxee nu malanxi naa.

¹ ثْلُ نَشَ سِفَ دٍرِبٍ نُن لِسِتِرٍ. عِسَ قْشِرَبِرّ ندٍ نُ نَ، عَ شِلِ تِمٌتٍ. يُوِقِ فِنّ دَنشَنِيَتْي ندٍ شَ دِ نَن نُ عَ رَ. عَ بَبَ فِرّكِكَ نَن نُ عَ رَ.

² لِسِتِرٍ نُن عِكٌنِيٌن نفَشَكٍرٍنيِيٍ نُ عَ شِلِ قَنيِ قَلَمَ.

³ ثْلُ تٌ وَ عَ شَنِنقٍ عَ شُن، عَ نَشَ عَ سُننَ يُوِقِيٍ شَ قٍ رَ نَشٍيٍ نُ نَ مّننِ، بَرِ مَ بِرِن نُ عَ كٌلٌن عَ بَبَ فِرّكِكَ نَ عَ رَ.

⁴ عٍ نَشَ شّيرَيٍ نُن عِسَ قْشِرَبِرّيٍ كُنتِفِ نَشٍيٍ نُ نَ دَرِ سَلَمُ، عٍ نَشَ نٍيٍ شَ نَتّ مَسٍن دَنشَنِيَتْييٍ بّ نَ تَايٍ كُي، عٍ شَ عَ رَبَتُ.

⁵ دَنشَنِيَتْي حَمَيٍ شَ دَنشَنِيَ سّنبّ شُن نُ مَسَمَ، دَنشَنِيَتْي كْنتِ قَن شُن نُ مَسَ لْشْ يٌ لْشْ.

⁶ عَلَ شَشِلِ سّنِيّنشِ تٌ مُ تِن عٍ شَ كَوَندِ تِ عَسِ بْشِ مَ، عٍ نَشَ قِرِفِيَ نُن فَلَتِ بْشِ عِفِرِ.

⁷ عٍ تٌ مَكْرّ مِسِ بْشِ رَ، عٍ نَشَ وَ سٌقٍ بِتِنِيَ، كْنْ عِسَ شَشِلِ مُ تِن عٍ شَ سِفَ نَا.

⁸ عَوَ، عٍ نَشَ مِسِ عِفِرِ، عٍ نَشَ فٌرٌ تِرٌيَسِ.

⁹ كْي رَ، ثْلُ نَشَ لَامَتُنيِ تٌ. مَسٍدٌنكَ ندٍ نَشَ كٍلِ، عَ قَ عَ مَشَندِ، «قَ مَسٍدٌن بْشِ مَ، عِ شَ قَ مُشُ مَلِ.»

¹⁰ ثْلُ لَامَتُنيِ تٌ شَنبِ، مُشُ نَشَ لَ عَ رَ عَ مَرِفِ بَرَ مُشُ شِلِ شِبَارُ قَنيِ كَوَندِقٍ رَ نَا. مُشُ نَشَ كَتَ سِفَقٍ رَ مَسٍدٌن كٍرٍن نَ.

¹¹ مُشُ تٌ كٍلِ تِرٌيَسِ، مُشُ نَشَ بَكِ كُنكُي كُي، مُشُ نَشَ مُشُ يَ رَقِندِ سَمٌتِرَ سِ مَ كٍرٍن نَ. نَ كُيٍ عِبَ، مُشُ نَشَ تِ نٍيَثٌلِ.

¹² مُشُ تٌ كٍلِ نَا، مُشُ نَشَ سِفَ قِلِثِ، مَسٍدٌن تَا سِنفٍ. عٍ نُ نَ رْ مَكَيٍ شَ مَنفّيَ نَن بُن مَ. مُشُ نَشَ سَشَنيِ رَدَنفِ نَ تَا كُي.

¹³ مَلَبُ لْشْي، مُشُ نَشَ سِفَ تَا قَرِ مَ شُرٍ دّ رَ، مُشُ دّننَشّ مَحْشُن سَلِدٍ رَ. مُشُ تٌ دْشْ، مُشُ نَشَ وْيّن فِنّيٍ رَ نَشٍيٍ نُ مَلَنشِ نَا.