Taruxui 13:42-50 in Susu

⁴² Sɔlu nun Baranabasi to mini, mixie naxa e maxandi e man xa yi masenyi ti malabu lɔxɔɛ naxan man fama kɔrɛ.

⁴³ Awa, ɲama to yensen, Yuwifi wuyaxi nun mixi naxee nu soxi Yuwifi xa diinɛ kui, nee naxa bira Pɔlu nun Baranabasi fɔxɔ ra. Pɔlu nun Baranabasi naxa e rasi e xa lu Ala xa hinnɛ kui.

⁴⁴ Na malabu lɔxɔɛ xungbilenyi, taakae birin naxa e malan Ala xa masenyi ramɛde.

⁴⁵ Yuwifie to ɲama to, tɔɔnɛ naxa e suxu. E naxa ti Pɔlu kanke, e nu a xa wɔyɛnyi matandi, e nu a konbi.

⁴⁶ Pɔlu nun Baranabasi naxa a fala e bɛ ɲama tagi, «A lanma Ala xa masenyi xa masen wo tan nan singe bɛ, kɔnɔ wo bara tondi a ra. Na kui, wo yɛtɛ bara a fala a mu daxa wo xa kisi sɔtɔ. Yakɔsi muxu muxu ya rafindima si gbɛtɛe nan ma,

⁴⁷ alɔ Marigi muxu yamarixi ki naxɛ. A naxɛ, ‹N bara i ti i xa findi naiyalanyi ra sie bɛ, kisi xaninfe ra han duniɲa danyi.›»

⁴⁸ Mixi naxee mu findixi Yuwifi ra, nee to na mɛ, e naxa sɛɛwa. E naxa e Marigi xa wɔyɛnyi matɔxɔ. Naxee birin nu sugandixi kisi fe ra, nee naxa danxaniya.

⁴⁹ Marigi xa masenyi naxa yensen bɔxi birin kui.

⁵⁰ Kɔnɔ Yuwifie naxa ginɛ hagigɛe, naxee nu soxi Yuwifie xa diinɛ kui, nun na taa kuntigie, e naxa nee bɔɲɛe rate. E naxa tɔɔrɛ dɔxɔ Pɔlu nun Baranabasi ma han e naxa e keri e xa bɔxi ma.

⁴² سْلُ نُن بَرَنَبَسِ تٌ مِنِ، مِشِيٍ نَشَ عٍ مَشَندِ عٍ مَن شَ يِ مَسٍنيِ تِ مَلَبُ لْشْي نَشَن مَن قَمَ كْرّ.

⁴³ عَوَ، حَمَ تٌ يٍنسٍن، يُوِقِ وُيَشِ نُن مِشِ نَشٍيٍ نُ سٌشِ يُوِقِ شَ دِينّ كُي، نٍيٍ نَشَ بِرَ ثْلُ نُن بَرَنَبَسِ قْشْ رَ. ثْلُ نُن بَرَنَبَسِ نَشَ عٍ رَ سِ عٍ شَ لُ عَلَ شَ هِننّ كُي.

⁴⁴ نَ مَلَبُ لْشْي شُنفبِلٍنيِ، تَاكَيٍ بِرِن نَشَ عٍ مَلَن عَلَ شَ مَسٍنيِ رَ مّدٍ.

⁴⁵ يُوِقِيٍ تٌ حَمَ تٌ، تْونّ نَشَ عٍ سُشُ. عٍ نَشَ تِ ثْلُ كَنكٍ، عٍ نُ عَ شَ وْيّنيِ مَتَندِ، عٍ نُ عَ كٌنبِ.

⁴⁶ ثْلُ نُن بَرَنَبَسِ نَشَ عَ قَلَ عٍ بّ حَمَ تَفِ، «عَ لَنمَ عَلَ شَ مَسٍنيِ شَ مَسٍن وٌ تَن نَن سِنفٍ بّ، كْنْ وٌ بَرَ تٌندِ عَ رَ. نَ كُي، وٌ يّتّ بَرَ عَ قَلَ عَ مُ دَشَ وٌ شَ كِسِ سْتْ. يَكْسِ مُشُ مُشُ يَ رَقِندِ مَ سِ فبّتّيٍ نَن مَ،

⁴⁷ عَلْ مَرِفِ مُشُ يَمَرِشِ كِ نَشّ. عَ نَشّ، ‹ﭑ بَرَ عِ تِ عِ شَ قِندِ نَءِيَلَنيِ رَ سِيٍ بّ، كِسِ شَنِنقٍ رَ هَن دُنِحَ دَنيِ.›»

⁴⁸ مِشِ نَشٍيٍ مُ قِندِشِ يُوِقِ رَ، نٍيٍ تٌ نَ مّ، عٍ نَشَ سّيوَ. عٍ نَشَ عٍ مَرِفِ شَ وْيّنيِ مَتْشْ. نَشٍيٍ بِرِن نُ سُفَندِشِ كِسِ قٍ رَ، نٍيٍ نَشَ دَنشَنِيَ.

⁴⁹ مَرِفِ شَ مَسٍنيِ نَشَ يٍنسٍن بْشِ بِرِن كُي.

⁵⁰ كْنْ يُوِقِيٍ نَشَ فِنّ هَفِفّيٍ، نَشٍيٍ نُ سٌشِ يُوِقِيٍ شَ دِينّ كُي، نُن نَ تَا كُنتِفِيٍ، عٍ نَشَ نٍيٍ بْحّيٍ رَتٍ. عٍ نَشَ تْورّ دْشْ ثْلُ نُن بَرَنَبَسِ مَ هَن عٍ نَشَ عٍ كٍرِ عٍ شَ بْشِ مَ.