Taalie 26:5-28 in Susu

⁵ I xa xaxilitare yaabi a maɲɔxun ki ma, xa na mu a ra a a yɛtɛ findima xaxilima nan na.

⁶ Mixi naxan xaxilitare xɛɛma masenyi nde tide, na bara a yɛtɛ tɔɔrɔ.

⁷ Taali wɔyɛnyi naxan minima xaxilitare dɛ i, na luxi nɛ alɔ mabɛnyi sanyi naxan sɛnbɛ mu na.

⁸ Xaxilitare binyafe luxi nɛ alɔ gɛmɛ safe laati kui.

⁹ Taali wɔyɛnyi naxan minima xaxilitare dɛ i, na luxi nɛ alɔ luxusinyi naxan na siisila bɛlɛxɛ i.

¹⁰ Mixi naxan wali soma xaxilitare yi ra, xa na mu a ra mixi yi ra a mu naxan kolon, na luxi nɛ alɔ sɔɔri naxan tanbɛ wolima ɲama mabiri.

¹¹ Xaxilitare naxan gbilenma a xa daxuɲa ma, na luxi nɛ alɔ bare naxan gbilenma a xa bɔxunyi don na.

¹² Xaxilitare fan fisa mixi bɛ naxan a yɛtɛ findixi lɔnnila ra. Fe sɔɔnɛyama nɛ na xaxilitare bɛ dangife na yɛtɛ igboe ra.

¹³ Mixi tunnaxɔnɔxi nan a falama, «Yɛtɛ na kira ra, yɛtɛ na taa kui.»

¹⁴ Naadɛ rabima, a man nagalima, alɔ tunnaxɔnɛ naxan a ya rabima a xa sade ma, a man xi.

¹⁵ Mixi tunnaxɔnɔxi a donse suxuma a bɛlɛxɛ ra, kɔnɔ a mu a rasoma a dɛ i tunnaxɔnɔya saabui ra.

¹⁶ Mixi tunnaxɔnɔxi a yɛtɛ rafisa xaxilima solofere bɛ naxee yaabi fima xaxilimaya ra.

¹⁷ Dangi mixi naxan a yɛtɛ rasoma gere kui naxan mu a matoxi, na maniya mixi ra naxan bare suxuma a tulie ma.

¹⁸ Mixi naxan a boore madaxu, a fa a fala, «Bere nan nu a ra,» na maniya daxui ra naxan tɛ maxirima tanbɛ ma, a a woli.

²⁰ Xa yege mu na, tɛ xubenma nɛ. Xa mixi keren a sabari, sɔnxɔɛ danma nɛ.

²¹ Tige findima nɛ tɛ wole ra, yege findi tɛ ra. Sɔnxɔla fan gere rabirama na ki nɛ.

²² Naafixi xa masenyi luxi nɛ alɔ donse ɲɔxunmɛ, naxan goroma mixi furi kui.

²³ Mixi ɲaaxi naxan wɔyɛn ɲɔxunmɛ falama, na luxi nɛ alɔ biriki to ɲaaxie se fiixɛ masoma naxee ma.

²⁴ Mixi ɲaaxi a boore madaxuma wɔyɛn ɲɔxunmɛ ra, kɔnɔ yanfanteya na a bɔɲɛ kui.

²⁵ Hali a wɔyɛnyi ɲɔxun, i naxa la a ra de, barima kobiɲa na a sondonyi kui.

²⁶ A xa xɔnnanteya nɔxunxi a xa mayendenyi saabui ra, kɔnɔ a xa kobiɲa fama nɛ minide kɛnɛ ma mixie tagi.

²⁷ Mixi naxan yili gema gantanyi ra, a tan nan fama birade a kui. Mixi naxan gɛmɛ wolima, na gɛmɛ gbilenma a tan nan ma.

²⁸ Wule falɛ tɔɔɲɛgɛtɔɛ nan xɔnma, Mixi naxan a boore matɔxɔma wule ra, na kasarɛ nan tun nabama.

⁵ عِ شَ شَشِلِتَرٍ يَابِ عَ مَحْشُن كِ مَ، شَ نَ مُ عَ رَ عَ عَ يّتّ قِندِ مَ شَشِلِمَ نَن نَ.

⁶ مِشِ نَشَن شَشِلِتَرٍ شّيمَ مَسٍنيِ ندٍ تِدٍ، نَ بَرَ عَ يّتّ تْورْ.

⁷ تَالِ وْيّنيِ نَشَن مِنِمَ شَشِلِتَرٍ دّ عِ، نَ لُشِ نّ عَلْ مَبّنيِ سَنيِ نَشَن سّنبّ مُ نَ.

⁸ شَشِلِتَرٍ بِنيَقٍ لُشِ نّ عَلْ فّمّ سَقٍ لَاتِ كُي.

⁹ تَالِ وْيّنيِ نَشَن مِنِمَ شَشِلِتَرٍ دّ عِ، نَ لُشِ نّ عَلْ لُشُسِنيِ نَشَن نَ سِيسِلَ بّلّشّ عِ.

¹⁰ مِشِ نَشَن وَلِ سٌمَ شَشِلِتَرٍ يِ رَ، شَ نَ مُ عَ رَ مِشِ يِ رَ عَ مُ نَشَن كٌلٌن، نَ لُشِ نّ عَلْ سْورِ نَشَن تَنبّ وٌلِمَ حَمَ مَبِرِ.

¹¹ شَشِلِتَرٍ نَشَن فبِلٍنمَ عَ شَ دَشُحَ مَ، نَ لُشِ نّ عَلْ بَرٍ نَشَن فبِلٍنمَ عَ شَ بْشُنيِ دٌن نَ.

¹² شَشِلِتَرٍ قَن قِسَ مِشِ بّ نَشَن عَ يّتّ قِندِشِ لْننِلَ رَ. قٍ سْونّيَمَ نّ نَ شَشِلِتَرٍ بّ دَنفِقٍ نَ يّتّ عِفبٌي رَ.

¹³ مِشِ تُننَشْنْشِ نَن عَ قَلَمَ، «يّتّ نَ كِرَ رَ، يّتّ نَ تَا كُي.»

¹⁴ نَادّ رَبِمَ، عَ مَن نَفَلِمَ، عَلْ تُننَشْنّ نَشَن عَ يَ رَبِمَ عَ شَ سَدٍ مَ، عَ مَن شِ.

¹⁵ مِشِ تُننَشْنْشِ عَ دٌنسٍ سُشُمَ عَ بّلّشّ رَ، كْنْ عَ مُ عَ رَ سٌمَ عَ دّ عِ تُننَشْنْيَ سَابُي رَ.

¹⁶ مِشِ تُننَشْنْشِ عَ يّتّ رَقِسَ شَشِلِمَ سٌلٌقٍرٍ بّ نَشٍيٍ يَابِ قِمَ شَشِلِمَيَ رَ.

¹⁷ دَنفِ مِشِ نَشَن عَ يّتّ رَ سٌمَ فٍرٍ كُي نَشَن مُ عَ مَتٌشِ، نَ مَنِيَ مِشِ رَ نَشَن بَرٍ سُشُمَ عَ تُلِيٍ مَ.

^18‏ مِشِ نَشَن عَ بٌورٍ مَدَشُ، عَ قَ عَ قَلَ، «بٍرٍ نَن نُ عَ رَ،» نَ مَنِيَ دَشُي رَ نَشَن تّ مَشِرِ مَ تَنبّ مَ، عَ عَ وٌلِ.

²⁰ شَ يٍفٍ مُ نَ، تّ شُبٍنمَ نّ. شَ مِشِ كٍرٍن عَ سَبَرِ، سْنشْي دَنمَ نّ.

²¹ تِفٍ قِندِ مَ نّ تّ وٌلٍ رَ، يٍفٍ قِندِ تّ رَ. سْنشْلَ قَن فٍرٍ رَبِرَ مَ نَ كِ نّ.

²² نَاقِشِ شَ مَسٍنيِ لُشِ نّ عَلْ دٌنسٍ حْشُنمّ، نَشَن فٌرٌ مَ مِشِ قُرِ كُي.

²³ مِشِ حَاشِ نَشَن وْيّن حْشُنمّ قَلَمَ، نَ لُشِ نّ عَلْ بِرِكِ تٌ حَاشِيٍ سٍ قِيشّ مَسٌمَ نَشٍيٍ مَ.

²⁴ مِشِ حَاشِ عَ بٌورٍ مَدَشُمَ وْيّن حْشُنمّ رَ، كْنْ يَنقَنتٍيَ نَ عَ بْحّ كُي.

²⁵ هَلِ عَ وْيّنيِ حْشُن، عِ نَشَ لَ عَ رَ دٍ، بَرِ مَ كٌبِحَ نَ عَ سٌندٌنيِ كُي.

²⁶ عَ شَ شْننَنتٍيَ نْشُنشِ عَ شَ مَيٍندٍنيِ سَابُي رَ، كْنْ عَ شَ كٌبِحَ قَمَ نّ مِنِدٍ كّنّ مَ مِشِيٍ تَفِ.

²⁷ مِشِ نَشَن يِلِ فٍمَ فَنتَنيِ رَ، عَ تَن نَن قَمَ بِرَدٍ عَ كُي. مِشِ نَشَن فّمّ وٌلِمَ، نَ فّمّ فبِلٍنمَ عَ تَن نَن مَ.

²⁸ وُلٍ قَلّ تْوحّفّتْي نَن شْنمَ، مِشِ نَشَن عَ بٌورٍ مَتْشْمَ وُلٍ رَ، نَ كَسَرّ نَن تُن نَبَمَ.