Taalie 25:20-28 in Susu

²⁰ Mixi naxan sigi sama mixi sunnunxi ya xɔri, na maniya mixi ra naxan xinbeli dugi bama furema ma xinbeli tɛmui. A xa sunnunyi xun nan tun masama alɔ mixi na gbɛngbɛ sa fi ya i.

²¹ Xa kaamɛ na i yaxui ma, donse so a yi ra. Xa ye xɔli na a ma, ye so a yi ra, a xa a min.

²² Xa i na wali mɔɔli raba a bɛ, na luxi nɛ alɔ i bara tɛ wole dɔxɔ a xun ma. Alatala nan i gbeɲɔxɔma.

²³ Foye naxan kelima kɔɔla ma, na fama nɛ tunɛ ra. Nɛnyi naxan naafixiya falama, na mixi yatagi i xɔnɔma nɛ.

²⁴ Lufe ra banxi fari ma, na fisa lufe ra ginɛ fitinɛtɔɛ sɛɛti ma banxi kui.

²⁵ Xibaaru fanyi naxan kelixi yire makuye, a maniya ye xinbeli ra mixi taganxi bɛ.

²⁶ Tinxintɔɛ naxan natɛ tongoma, a xa bira mixi ɲaaxi fɔxɔ ra, na maniyaxi ye dulonyi nan na naxan bara dunda, a ye mu fan sɔnɔn.

²⁷ Kumi donfe a radangi a i, na mu fan. Binyɛ fenfe i yɛtɛ ra, na fan mu fan.

²⁸ Mixi naxan mu nɔma a yɛtɛ raxande a na xɔnɔ, na luxi nɛ alɔ taa kanaxi naxan tɛtɛ bara bira.

²⁰ مِشِ نَشَن سِفِ سَمَ مِشِ سُننُنشِ يَ شْرِ، نَ مَنِيَ مِشِ رَ نَشَن شِنبٍلِ دُفِ بَمَ قُرٍ مَ مَ شِنبٍلِ تّمُي. عَ شَ سُننُنيِ شُن نَن تُن مَسَمَ عَلْ مِشِ نَ فبّنفبّ سَ قِ يَ عِ.

²¹ شَ كَامّ نَ عِ يَشُي مَ، دٌنسٍ سٌ عَ يِ رَ. شَ يٍ شْلِ نَ عَ مَ، يٍ سٌ عَ يِ رَ، عَ شَ عَ مِن.

²² شَ عِ نَ وَلِ مْولِ رَبَ عَ بّ، نَ لُشِ نّ عَلْ عِ بَرَ تّ وٌلٍ دْشْ عَ شُن مَ. عَلَتَلَ نَن عِ فبٍحْشْمَ.

²³ قٌيٍ نَشَن كٍلِمَ كْولَ مَ، نَ قَمَ نّ تُنّ رَ. نّنيِ نَشَن نَاقِشِيَ قَلَمَ، نَ مِشِ يَتَفِ عِ شْنْمَ نّ.

²⁴ لُقٍ رَ بَنشِ قَرِ مَ، نَ قِسَ لُقٍ رَ فِنّ قِتِنّتْي سّيتِ مَ بَنشِ كُي.

²⁵ شِبَارُ قَنيِ نَشَن كٍلِشِ يِرٍ مَكُيٍ، عَ مَنِيَ يٍ شِنبٍلِ رَ مِشِ تَفَنشِ بّ.

²⁶ تِنشِنتْي نَشَن نَتّ تٌنفٌمَ، عَ شَ بِرَ مِشِ حَاشِ قْشْ رَ، نَ مَنِيَشِ يٍ دُلٌنيِ نَن نَ نَشَن بَرَ دُندَ، عَ يٍ مُ قَن سْنْن.

²⁷ كُمِ دٌنقٍ عَ رَدَنفِ عَ عِ، نَ مُ قَن. بِنيّ قٍنقٍ عِ يّتّ رَ، نَ قَن مُ قَن.

²⁸ مِشِ نَشَن مُ نْمَ عَ يّتّ رَشَندٍ عَ نَ شْنْ، نَ لُشِ نّ عَلْ تَا كَنَشِ نَشَن تّتّ بَرَ بِرَ.